(( افلام , اغاني , برامج , العاب ) Friends4ever))
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.



 
الرئيسيةأحدث الصوردخولالتسجيل

 

 يوميات شاب صعيدى وبنت ستايل احمد ونوووور

اذهب الى الأسفل 
+2
القاسية
ɖɚɐɖ ɚɳɖ
6 مشترك
انتقل الى الصفحة : 1, 2  الصفحة التالية
كاتب الموضوعرسالة
ɖɚɐɖ ɚɳɖ
☜☺☞
☜☺☞
ɖɚɐɖ ɚɳɖ


ذكر

عدد المساهمات 595

نـــقاط 845

العمر 31

العمل عاشق افريل لافجين

مزاجك إيه كـــن فــى الحيــاة عابــر سبيــل واتــرك ورائــك كــل اثــر جميــل فمــا نحــن فــى الدنيــا الا ضيــوف ومــا علـــى الضيــف الا الرحيــل

يوميات شاب صعيدى وبنت ستايل احمد ونوووور 1305428i2m1an64sk

يوميات شاب صعيدى وبنت ستايل احمد ونوووور Empty
مُساهمةموضوع: يوميات شاب صعيدى وبنت ستايل احمد ونوووور   يوميات شاب صعيدى وبنت ستايل احمد ونوووور Icon_minitimeالأربعاء أبريل 21, 2010 7:32 pm

السلام عليكم

ازيكم احلى شباب احلى اعضاء احلى زوار احلى مشرفين ف اجمل منتدى اصحاب للأبد

يوميات شاب صعيدى وبنت استايل ... احمد ونووووور

وهجيب لكم كل يوم حلقة بس ياريت الردود لو لقيت ردين ف نفس اليوم هجيب حلقتين وكل ما تزيد الردود هخلى عدد الحلقات اكتر

وارجو التثبيت




ونبدأ

الحلقة الاولى


اول اليوم بقا والكلام الجامد بتاع المحاضرات والكلام دا ..ياله بقا نشوف اخينا احمد عمل ايه
احمد: لو سمحتي حضرتك...ممكن براية
نور: ههههههههههههههههههههههههههه
احمد :حضرتك بتضحكي على ايه ممكن اعرف يعني لو سمحتي
نور : مش عيب شاب في سنك يطلب براية ..ده احنا في جامعة
احمد : طيب معاكي شفرة...عشان المحاضرة هتبدأ خلاص
نور : ايييييه..ايه شفرة دي..ممكن تسكت لو سمحت
احمد : حد معاااااااه براااااااااية....او قلم زيااااااادة..ردوا
نور: انت اكيد مجنون وطي صوتك الطلبة كلها بتضحك عليك
احمد :ويضحكوا ليه ولاد الدزمة دووووووووول
نور: خلاص خلاص انا هنقل المحاضرة وبعدين اديلك تصورها
احمد :شكرا بس انقلي كويس ..وياريت تنظمي الكراسة
(اثناء ما المحاضرة شغالة ونور شغالة كتابة واحمد هيموت عشان مش معاه قلم)
احمد: يا انسة خطك زفت زفت..انتي مش مسطرة الصفحة ليه ...وفين التاريخ الهجري .يادي النيلة عليا وعلى الجامعة
نور : انت مالك ومال خطي مش كفاية هديلك تنقل مني وهتعطل انا
احمد : ليه وانتي عربية اصلك علشان تتعلطي..هما البنات متعطلين خلجة
نور : انت انسان قليل الادب...بجد مش بتعرف تكلم البنات ازاي
احمد : لأ يا شيخة والنبي المرة الجاية تبقي تجيبيلي الكتالوج بتاعك
(نور عشان رقيقة سكتت ومش عرفت ترد على بجاحة احمد وانتهت المحاضرة )
اثناء خروج الطلبة من المدرج...احمد حب يستظرف بس بطريقة غبية شوية
احمد وسط حشد من الطلبة بنات وولاد
وكأنهم قطيع من المواشي
هررررررررررررررررررر...وضحكته سمعت كل اللي ماشي
(نور بتحكي مع زميلتها من كلية تانية على احمد )
نور : بصي يا هالة الولد ده....فضيحة فضيحة يعني...وحكتلها على اللي حصل
هالة : تلاقيه شاب تحفة...مش باين عليه استايل خالص..ده لابس بدلة وكرافت
نور : بس تعرفي شكله وسيم اووووي...حاسة انه طيب وعلى سجيته
هالة :اوووو...ده وسيم؟...ده مش حاطط نقطة جيل على شعره حتى..شعره منعكش جدا
نور:يا ستي سيبك
هالة: على رأيك
خلص اول يوم في الجامعة وقبل النهاية بدقايق
احمد: يا استاذة يا انسة فين المحاضرة عايز انقلها هاتيها يلا يلا بسرعة
نور : تنقل ايه يابني دي عشر ورقات غير في رسومات وجداول
احمد :ومالهم يعني عشر ورجات انتي هتخلفي وعدك ولا ايه
نور : انا مقلتش كده بس في حاجة اسمها تصوير..اسرع يعني
احمد: هههههههههههههههههه اصور ايه بخطك الزفت ده..شوفي ...زفت
نور: حقيقي انا غلطانة وكلام هالة باين عليه صح...بعد اذنك..اوف
سابته ومشيت .....وقال
احمد: عليكي يا شيخة وعلى هالة وعلى الجامعة كلتها....وبرضه خطك زي الزفت
عاوزين تعرفوا اليوم اللي بعده حصل في ايه
تابعوا معايا بقى قصة حب احمد الصعيدي ونور البنت الاستايل




واشوفكم ف الحلقة التانية قريبا واتمنى انى اشوف ردودكمـ



مسيو عمرو
الرجوع الى أعلى الصفحة اذهب الى الأسفل
القاسية
☆☆
☆☆
القاسية


انثى

عدد المساهمات 128

نـــقاط 200

العمر 34

العمل جاري البحث

مزاجك إيه تهييس


يوميات شاب صعيدى وبنت ستايل احمد ونوووور Empty
مُساهمةموضوع: رد: يوميات شاب صعيدى وبنت ستايل احمد ونوووور   يوميات شاب صعيدى وبنت ستايل احمد ونوووور Icon_minitimeالسبت أبريل 24, 2010 1:44 am

ياريــــــــــــتك تجيب الحلقه التانيه
انا متابعه بليز جيبهااا
مرسي جداااا على القصه جميله جدااا
تقبل مروري
الرجوع الى أعلى الصفحة اذهب الى الأسفل
ɖɚɐɖ ɚɳɖ
☜☺☞
☜☺☞
ɖɚɐɖ ɚɳɖ


ذكر

عدد المساهمات 595

نـــقاط 845

العمر 31

العمل عاشق افريل لافجين

مزاجك إيه كـــن فــى الحيــاة عابــر سبيــل واتــرك ورائــك كــل اثــر جميــل فمــا نحــن فــى الدنيــا الا ضيــوف ومــا علـــى الضيــف الا الرحيــل

يوميات شاب صعيدى وبنت ستايل احمد ونوووور 1305428i2m1an64sk

يوميات شاب صعيدى وبنت ستايل احمد ونوووور Empty
مُساهمةموضوع: رد: يوميات شاب صعيدى وبنت ستايل احمد ونوووور   يوميات شاب صعيدى وبنت ستايل احمد ونوووور Icon_minitimeالسبت أبريل 24, 2010 7:45 am

الحلقة التانية






جه اليوم
التاني....ولسة الحياة الجامعية لم تؤثر على تلاميذ الثانوية العامة...بس
مع بلدياتنا احمد ...ماشية عكس خالص...مش عارف يتأقلم عليها
وتعالوا نشوف الايام والحياة الجامعية هتعمل ايه في احمد وهيتعامل معاها ازاي
كان ميعاد المحاضرة الساعة 8 صباحا...كان احمد واقف قصاد المدرج من 6 الصبح مش عارف ليه ونبتدي الحلقة التانية يا جامدين


احمد: ديب ديب ديب انتوا يا ناس يللي هنا...افتحوا الباب
الساعي : يا فتاح يا عليم يا رزاق يا كريم
احمد: ماترش ميا يا راجل قصاد المدرج عشان تستفتح
الساعي:يا كابتن المحاضرة لسة الساعة 8 مفيش دخول دلوقت
احمد:هدخل يعني هدخل..عليا النعمة هدخل هاااا
الساعي: قفل الباب في وشه ودخل جوا
احمد : يا ابن الدزمة انت هتضيع عليا المحاضرة شكلك
احمد: اما اروح اجيب كوباية شاي سخن مولع
الراجل: تؤمر بأيه يا فندم
احمد : شاي خمسينة بنعناع
الراجل: ايه ايه...مفيش نعناع
احمد: ومفيش نعناع ليه
الراجل : هو كده مفيش نعناع على الشاي ..النعناع لوحده
احمد :طيب هات نص كوباية شاي ونص كوباية نعناع
الراجل: خد فلوسك اهي
احمد:طب والشاي ابو نعناع فين
الراجل:اوووف
احمد:اوووف على دماغك...ابن دزمة صحيح


كان فات حوالي ساعة ونص وهو واقف في الكافتيريا عشان يشرب شاي
قرر انه يرجع للمدرج عشان يلحق مكان وبالفعل حجز مكان وخرج تاني عشان
يجيب شاي من كافتيريا تانية...ونجح انه يجيب المرة دي ..دخل المدرج وفجأة
لقى مين اعد مكانه ...مين مين مين....لقى نور فارشة كل حاجتها وبتشرب كابتشينووووووووووووووووو

احمد : بصوت لا يطاق....ايييييييييه ده يا هانم...هي وكالة من غير بواب
نور :وطي صوتك من فضلك انا بتكلم بهدوء وبأدب
احمد:هي دي طريجتي..عاجبك ولا مش عاجبك
نور:طيب انا مش هقوم
احمد: هروح للعميد يجي يقومك
نور:ههههههههههههههههههه
احمد:بتضحكي على ايه يا باردة
نور: لم نفسك
احمد: شايفاني مبعتر في الارض ولا اييييييييه
نور: مش هتحضر...هههههههههههههه
احمد :عليا الطلاج لأحضر غصب عنك وعن عين والدك....


وفجأة سمع صوت الدكتور بيناديله ......

الدكتور:مالك يابني مكشر من اول السنة ليه كده
احمد :لو سمحت معاك نمرة ماحمول العميد
الدكتور : ههههههههههه ايوة ليه
احمد : عاوز اقدم شكوى في البت دي
نور :متقولش بت
احمد :هجول بت وستين بت كمان قومي يلا
الدكتور : بس بقى اخرس شوية يا اما هطردك
احمد : انا ...تطردني ليييييييه هاتلي مكان سعادتك
الدكتور : تعالى اعد جنبي هنا على الكرسي ده
احمد : وااه...اجعد جنبك مرة واحدة يا داكتووور
الدكتور :ايوة تعالى

وهو نازل راح وقع الكتاب بتاع نور ورمى اقلامها
راحت نور ضربته على ضهره..قال ااااااااااااه
وصوته سمع المدرج كله والكل فضل يضحك عليه


الدكتور : اطلع برا يلا...مش هتحضر المحاضرة
احمد : ابوس ايدك يا بيه انا امبارح مكتبتش والنهاردة محضرش...مين يرضى بكده يا ناس
وهو خارج رمى عينه على نور ولمح فيها نظرة عطف جميلة

بعد ما المحاضرة انتهت...نور خرجت لأ حمد

نور :بجد انا اسفة اوووي
احمد : على ايه بقى ما المحاضرة خلاص
نور : خد المحاضرة بتاعتي انقلها وانا هستناك
احمد : بجد بتتكلمي بجد
نور : ايوة مع انهم اكتر من عشر صفحات بس هستناك
احمد : متشكر يا مازمازيل نورة
نور : لأ قول نور بس احنا اصدقاء وابتسمت ومشيت

احمد عمال ينقل وعمال يقول في سره...خطها زي الزفت
بس شكلها طيبة جوي....الخط مش كل حاجة في الانسان يعني
احمد لمح نور وهي جاية وبتبتسم بخجل




و لو عايزين تعرفوا قالتلوا ايه

تابعــــــــــــــــــــــــــــــــــــــــــــــ ــــــــــــــــونا
الرجوع الى أعلى الصفحة اذهب الى الأسفل
bebo_alex
.

bebo_alex


ذكر

عدد المساهمات 544

نـــقاط 705

العمر 31

مزاجك إيه مـــــــــش رااااااااااااااايق

فودافون


يوميات شاب صعيدى وبنت ستايل احمد ونوووور Empty
مُساهمةموضوع: رد: يوميات شاب صعيدى وبنت ستايل احمد ونوووور   يوميات شاب صعيدى وبنت ستايل احمد ونوووور Icon_minitimeالخميس أبريل 29, 2010 12:22 am

اوك سيتم التثبيت
تسلم ايدك يا عمرو
الرجوع الى أعلى الصفحة اذهب الى الأسفل
https://friends4ever.forum-canada.net
ɖɚɐɖ ɚɳɖ
☜☺☞
☜☺☞
ɖɚɐɖ ɚɳɖ


ذكر

عدد المساهمات 595

نـــقاط 845

العمر 31

العمل عاشق افريل لافجين

مزاجك إيه كـــن فــى الحيــاة عابــر سبيــل واتــرك ورائــك كــل اثــر جميــل فمــا نحــن فــى الدنيــا الا ضيــوف ومــا علـــى الضيــف الا الرحيــل

يوميات شاب صعيدى وبنت ستايل احمد ونوووور 1305428i2m1an64sk

يوميات شاب صعيدى وبنت ستايل احمد ونوووور Empty
مُساهمةموضوع: رد: يوميات شاب صعيدى وبنت ستايل احمد ونوووور   يوميات شاب صعيدى وبنت ستايل احمد ونوووور Icon_minitimeالخميس أبريل 29, 2010 1:36 am

الحلقه الثالثه
بعد ما الدكتور طرد احمد من المحاضرة بسبب نور
وخرج زعلان خالص ونور صالحته وقالتله خد المحاضرة انقلها
واثناء ما كان بينقلها وبيقول خطها وحش بس هي طيبة كانت هي جاية بتبتسم

نور : احمد انت خلصت المحاضرة
احمد : لأ لسة انا في اول صفحة مش عارف اجرا الكلمة دي
نور قرت الكلمة
نور : اوكي كمل انا هستناك
احمد :لا لا انتي لازم تروحي دلوقتي عشان انتي اتأخرتي خالص
نور : طيب والمحاضرة
احمد : تتحرج المحاضرة
نور ضحكت ضحكة رقيقة جدا حركت قلب احمد الاسد
احمد : ممكن اوصلك لحد الباب...والله لحد الباب بس
نور : اوكي اوكي مفيهاش حاجة اتفضل
احمد : انتي في الجامعة هنا من امتى
نور :ايه يا احمد انا في سنك لسة اول سنة
احمد : انا عارف انا عارف
احمد : وياترى دخلتي هنا واسطة ولا ايه
نور : هههههههههههههههههه ...احمد مالك في ايه
احمد : لا بهرج معاكي
نور : تعرف انك
احمد :اني ايه
نور : طيب اوووي
احمد : وانتي انسانة محترمة اه فعلا محترمة بجد
نور : ميرسي
احمد :يالهوي ياني انا منجلتش المحاضرة بتاعت النهاردة
نور : ميرسي يا احمد على التوصيلة الجميلة دي منك
احمد : انتي رايحة فييييييييييييييييين
المحاضرة
المحاضرة
المحاضرة
وووووووونشوفكم الحلقة الجاية ان شاء الله ومع يوم جديد من ايام الجامعة
و احمد ونووووور
الرجوع الى أعلى الصفحة اذهب الى الأسفل
KiNg_Of_lOvE
.

KiNg_Of_lOvE


ذكر

عدد المساهمات 1318

نـــقاط 1881

العمر 34

العمل العمل عمل ربنا

مزاجك إيه في النازل

إتصالات


يوميات شاب صعيدى وبنت ستايل احمد ونوووور Empty
مُساهمةموضوع: رد: يوميات شاب صعيدى وبنت ستايل احمد ونوووور   يوميات شاب صعيدى وبنت ستايل احمد ونوووور Icon_minitimeالسبت مايو 01, 2010 12:06 am

نيس توبيك يا فنان
الرجوع الى أعلى الصفحة اذهب الى الأسفل
bebo_alex
.

bebo_alex


ذكر

عدد المساهمات 544

نـــقاط 705

العمر 31

مزاجك إيه مـــــــــش رااااااااااااااايق

فودافون


يوميات شاب صعيدى وبنت ستايل احمد ونوووور Empty
مُساهمةموضوع: رد: يوميات شاب صعيدى وبنت ستايل احمد ونوووور   يوميات شاب صعيدى وبنت ستايل احمد ونوووور Icon_minitimeالسبت مايو 01, 2010 2:05 am

فين الحلقة الرابعه بقى مينفعش كده يا عمرو
الرجوع الى أعلى الصفحة اذهب الى الأسفل
https://friends4ever.forum-canada.net
ɖɚɐɖ ɚɳɖ
☜☺☞
☜☺☞
ɖɚɐɖ ɚɳɖ


ذكر

عدد المساهمات 595

نـــقاط 845

العمر 31

العمل عاشق افريل لافجين

مزاجك إيه كـــن فــى الحيــاة عابــر سبيــل واتــرك ورائــك كــل اثــر جميــل فمــا نحــن فــى الدنيــا الا ضيــوف ومــا علـــى الضيــف الا الرحيــل

يوميات شاب صعيدى وبنت ستايل احمد ونوووور 1305428i2m1an64sk

يوميات شاب صعيدى وبنت ستايل احمد ونوووور Empty
مُساهمةموضوع: رد: يوميات شاب صعيدى وبنت ستايل احمد ونوووور   يوميات شاب صعيدى وبنت ستايل احمد ونوووور Icon_minitimeالسبت مايو 01, 2010 12:47 pm

هو حد بيرد يابيبو عشان انزل بقيت الحلقات
الرجوع الى أعلى الصفحة اذهب الى الأسفل
ɖɚɐɖ ɚɳɖ
☜☺☞
☜☺☞
ɖɚɐɖ ɚɳɖ


ذكر

عدد المساهمات 595

نـــقاط 845

العمر 31

العمل عاشق افريل لافجين

مزاجك إيه كـــن فــى الحيــاة عابــر سبيــل واتــرك ورائــك كــل اثــر جميــل فمــا نحــن فــى الدنيــا الا ضيــوف ومــا علـــى الضيــف الا الرحيــل

يوميات شاب صعيدى وبنت ستايل احمد ونوووور 1305428i2m1an64sk

يوميات شاب صعيدى وبنت ستايل احمد ونوووور Empty
مُساهمةموضوع: رد: يوميات شاب صعيدى وبنت ستايل احمد ونوووور   يوميات شاب صعيدى وبنت ستايل احمد ونوووور Icon_minitimeالسبت مايو 01, 2010 12:47 pm

ثانكس لمروركم
الرجوع الى أعلى الصفحة اذهب الى الأسفل
ɖɚɐɖ ɚɳɖ
☜☺☞
☜☺☞
ɖɚɐɖ ɚɳɖ


ذكر

عدد المساهمات 595

نـــقاط 845

العمر 31

العمل عاشق افريل لافجين

مزاجك إيه كـــن فــى الحيــاة عابــر سبيــل واتــرك ورائــك كــل اثــر جميــل فمــا نحــن فــى الدنيــا الا ضيــوف ومــا علـــى الضيــف الا الرحيــل

يوميات شاب صعيدى وبنت ستايل احمد ونوووور 1305428i2m1an64sk

يوميات شاب صعيدى وبنت ستايل احمد ونوووور Empty
مُساهمةموضوع: رد: يوميات شاب صعيدى وبنت ستايل احمد ونوووور   يوميات شاب صعيدى وبنت ستايل احمد ونوووور Icon_minitimeالسبت مايو 01, 2010 12:48 pm


الحلقة الرابعة عشان خاطر بيبووووو
-----------
احمد مأجر شقة مفروشة وساكن فيها فترة الدراسة....ظبط المنبه بتاعه على ميعاد الجامعة.

جرس الباب بيرن...بيرن...خبط جامد....احمد قام مخضوض وبيفتح الباب وفجأة!!!!!


هاي..انا جارتك اللي ساكنة قصادك

احمد : طيب وانا اعمل ايه يعني جارتي ولا مش جارتي

تؤ...طيب قول صباح الخير..قول صباح النور..قول صباح اللي بتغني

احمد : يا فتاح يا عليم يا رزاق يا كريم...يادي النيلة ..انتي عاوزة ايه مني دلوقتي

انا ؟؟؟؟؟

احمد : امال امي

تؤ تؤ انت عصبي كده ليه...كل شئ بالتفاهم وبالهدوء...اعملك نسكافيه يهدي اعصابك

احمد : متشكر يا ستي متشكر خالص انا...عاوزة ايه مني على الصبح كده انا ورايا جامعة

ايه ده ..انت بتروح الجامعة...انا بفتكرك في المدرسة

احمد : صبرني يارب صبرني ...جولي عاوزة ايه هتأخر على الجامعة

عندك حبة شطة

احمد : هاا...جلتي عاوزة ايه

شطة شطة....اللي بتخلي الاكل يوحوح

احمد : لا انا مش بحب اوحوح ..... عن اذنك...وقفل الباب ولبس بسرعة ونزل ركب الاتوبيس

احمد : الأجرة بكام لو سمحت يا اخينا

رد شاب ستايل...ههههههههه ايه اخينا دي دي كلمة قديمة موت

احمد : ماشي يا عم الجديد....بكام الاجرة

الكمسري :بجنيه وبريزة يا كابتن

احمد : اشمعنى وبريزة

الكمسري : حكومة تقدر تتكلم

احمد : خد يا عم ونزلني عند الباب الرئيسي

احمد داخل بيجري....وهووووووب...خبط في بنت وقع عليها العصير

انت غبي ...انت مبتشوفش

احمد :هشششششششششش

انت قليل الادب مش محترم كمان

احمد : هسسسسسسسسسس

احمد : انا ورايا محاضرة مش فاضيلك انا خدي منديل

انا هوريك انا لازم ابهدلك

يا عمرو يا وائل يا هيثم

عمرو : مالك بيها يا تحفة
وائل : انت لازم تتربى كويس
هيثم : مش هتروح سليم النهاردة

نور لمحت الخناقة من بعيد

نور : احمد احمد في ايه

احمد : ابعدي انتي يا نور ده تار قديم وهيخلص النهاردة

نور : احمد دي جامعة انت ممكن تتفصل

احمد : ومحضرش محاضرات تاني ؟

نور : ايوة ايوة انا هروح انده الامن

احمد : تندهي الامن يشيلوا جستي ولا ايه

وفجأة الامن جه والمشكلة اتحلت والحمد لله احمد خرج سليم

مع انه كان ادها وادود يعني بس خاف طبعا على مستقبله

احمد : متشكر يا نور جوي

نور : ده اقل واجب يعني

احمد : انتي عملتي الواجب صح

نور : واجب ايه يا احمد هو احنا في مدرسة

احمد : ههههههههههه اصلها فاكراني في المدرسة

نور : هي مين دي

احمد : اللي عاوزة الشطة

نور : انا مش فاهمة حاجة يا احمد

احمد : انتي بتحبي توحوحي

نور : هههههههههههههههههههه

احمد : هههههههههههههههههههه

نور: تعرف يا احمد ان دمك خفيف اوي

احمد : ربنا يخليكي انا مش بجدر على الكلام ده

نور : هو انا قلت حاجة يا احمد

احمد : ايوة دمي خفيف وحلو ومسمسم والكلام الكبير ده

نور : ههههههههههههههههههههههه

احمد : بتضحي على ايه عاد

نور : ههههههههههههههههههههههه

احمد : يوه يوه يوه

نور : المحضارة هتبتدي يا احمد يلا نحضر

احمد : ماتيجي نتمشى شوية في الحديقة وبلاش المحاضرة

نور : بجد ...طيب يلا

احمد : ال حديقة ال....يلا يا هانم نلحج المحاضرة انا حاجزلك جنبي


ونكمل بعد الفاصل
الرجوع الى أعلى الصفحة اذهب الى الأسفل
MR:KENA★
.

MR:KENA★


ذكر

عدد المساهمات 1666

نـــقاط 2593

العمر 36

العمل رجل أعمال

مزاجك إيه ☃ رايــــــــــــــــــــق ☃

فودافون


يوميات شاب صعيدى وبنت ستايل احمد ونوووور Empty
مُساهمةموضوع: رد: يوميات شاب صعيدى وبنت ستايل احمد ونوووور   يوميات شاب صعيدى وبنت ستايل احمد ونوووور Icon_minitimeالسبت مايو 01, 2010 1:01 pm

مشكور جدا لمجهودك وأنا قريت بعض الكلام من الحلقات وشكلها جامده تسلم يا جميل
الرجوع الى أعلى الصفحة اذهب الى الأسفل
bebo_alex
.

bebo_alex


ذكر

عدد المساهمات 544

نـــقاط 705

العمر 31

مزاجك إيه مـــــــــش رااااااااااااااايق

فودافون


يوميات شاب صعيدى وبنت ستايل احمد ونوووور Empty
مُساهمةموضوع: رد: يوميات شاب صعيدى وبنت ستايل احمد ونوووور   يوميات شاب صعيدى وبنت ستايل احمد ونوووور Icon_minitimeالسبت مايو 01, 2010 4:41 pm

بليز الحلقة الخامسه يا عمرو بجد تسلم ايدك
الرجوع الى أعلى الصفحة اذهب الى الأسفل
https://friends4ever.forum-canada.net
MR:KENA★
.

MR:KENA★


ذكر

عدد المساهمات 1666

نـــقاط 2593

العمر 36

العمل رجل أعمال

مزاجك إيه ☃ رايــــــــــــــــــــق ☃

فودافون


يوميات شاب صعيدى وبنت ستايل احمد ونوووور Empty
مُساهمةموضوع: رد: يوميات شاب صعيدى وبنت ستايل احمد ونوووور   يوميات شاب صعيدى وبنت ستايل احمد ونوووور Icon_minitimeالسبت مايو 01, 2010 4:48 pm

الفاصل طول كده ليه
الرجوع الى أعلى الصفحة اذهب الى الأسفل
ɖɚɐɖ ɚɳɖ
☜☺☞
☜☺☞
ɖɚɐɖ ɚɳɖ


ذكر

عدد المساهمات 595

نـــقاط 845

العمر 31

العمل عاشق افريل لافجين

مزاجك إيه كـــن فــى الحيــاة عابــر سبيــل واتــرك ورائــك كــل اثــر جميــل فمــا نحــن فــى الدنيــا الا ضيــوف ومــا علـــى الضيــف الا الرحيــل

يوميات شاب صعيدى وبنت ستايل احمد ونوووور 1305428i2m1an64sk

يوميات شاب صعيدى وبنت ستايل احمد ونوووور Empty
مُساهمةموضوع: رد: يوميات شاب صعيدى وبنت ستايل احمد ونوووور   يوميات شاب صعيدى وبنت ستايل احمد ونوووور Icon_minitimeالسبت مايو 01, 2010 4:58 pm

الحلقه الخااااااامسه


احمد دخل لقى اتنين اعدين مكانه هو ونور

احمد :ايه يا كابتن انت وهو انا حاجز المكان ده من بدري
انت حاجز صالة ولا بلكون
احمد : لأ حاجز حمام يا خفيف
هو انت فاكرني شاي ولا ايه
احمد : ايوة شاي ومتاخدش في ايدي غلوة كمان
انت باين عليك متعرفش الكابو هيثم
احمد : وانت باين عليك متعرفش احمد ابن عم هريدي عمدة القرية
ههههههههههههههههههههههههههه
احمد : بتضحك على ايه يا ابن الدذمة
ودخل احمد في عراك وكأنه عراك بين الديوك ونور مش عارفة تعمل ايه غير انها جابت النوت بوك بتاعها وفضلت تضرب مع احمد
احمد : اي اي ايه يا نور دي دماغي انا
نور : سوري يا احمد مكنش قصدي بجد
احمد : اخرجي انتي برا وايه الجلم الرصاص اللي بتضربي بيه ده
نور : انا لازم اموته لازم اكسره
وفجأة دخل الدكتوووووووووور
الدكتور : في ايه يا ابني انت وهي وهو
احمد : هجطعه
الدكتور : تقطع مين يابني ...احنا في جامعة
احمد : جامعة مش جامعة هجطعه
نور : ايوة احنا هنجطعه
الدكتور : تعالوا برا انت وهي
احمد : لأ والنبي يا داكتور الجو ساجعة برا جوي
الدكتور : اطلع بقولك
نور : يلا يا احمد
احمد : يلا ايه وزفت ايه ...هو احنا رايحين نتفسح
وطلعوا يا عيني هما الاتنين ولسوء حظ احمد انه برضه محضرش المحاضرة دي كمان
احمد : انا مروح يا نور
نور : لأ خليك اعد معايا شوية
احمد : لأ يا نور انا مروح
نور : انا عايزة اتكلم معاك
احمد : بكرا ان شاء الله نتكلم كتير...ماهو كده كده مش هحضر بكرا برضه
نور : انت بتحب الماحضرات ليه يا احمد
احمد : انا جاي مصر عشان اتعلم يا نور مش عشان اتنزه
نور : انا عارفة انك شاب مش فاضي من جواك
احمد : ربنا يخليكي يا نور
نور : اي نعم انت مش مهتم بمظرك...ومش بتسرح شعرك حلو...بس حاسة انك وسيم اووي
احمد : ماتجولي معفن احسن يا ست نور
نور : انا مش اقصد خالص ا
احمد : ولا تقصدي...انا جيت مصر غلط من اساسه دي مش بيئتي ولا دي حياتي
نور : انا اسفة
احمد : انا اللي اسف ....عن اذنك
وبعد ما احمد مشي نور مشيت هي كمان وكانت زعلانة جدا من كلامها معاه ولو
انها مكنتش تقصد بس احمد حساس حبتين نور حاولت تتصل باحمد عن طريق جارته
نور : الو ممكن اكلم احمد جار حضرتك
الجارة : احمد مين يا انسة
نور : احمد جارك
الجارة : اااه تقصدي حمادة ميدو مودي
نور : انتي مسمياه كده
الجارة : هو بيحبني اووي اقوله كده
نور : طيب كويس ممكن تناديه
الجارة : احمد احمد احمد احمد احمد احمد احمد احمد
احمد : سلام قولا من رب رحيم..اختشي يا وااالية على دمك بجى في حد يخبط على حد الساعة عشرة بالليل
الجارة : يووه ايه يا ميدو ..انا خضيتك ولا ايه...طيب تعالى في حضن ماما تعالى
احمد : اخلصي يا ست عاوزة ايه مني وليه بتخبطي في وقت زي ده
تليفون عاوزك
احمد : والتليفون عاوزني في ايه
هههههههههههههههه جتك ايه يا موودي يا سكر اقصد حد عاوزك على التليفون
احمد : ابوووووووويا جراله ايه انطجي قولي
لأ لأ ده صوت واحدة
احمد : امي امي اما مالها مالها
الجارة : ده صوت جثة
احمد : ههههههههههههههههههههههه
احمد : والجثة هتتكلم ازاي يا ام مخ تاخين
تعالى ورايا يا مووودي وانا اخليها تنطق وتتكلم
احمد : طيب يا وش المصايب
نور سمعت ضحك احمد ويا جارته دي ...وقفلت السكة
احمد : الو الو ...الو الو
احمد : هههههههههههههههههههههههههه
احمد : الجثة مش راضية تنطق...ده باين كده الجثة ماتت هههههههههههههههههههههههههههههههههه


ونكمل بعد شويه
الرجوع الى أعلى الصفحة اذهب الى الأسفل
bebo_alex
.

bebo_alex


ذكر

عدد المساهمات 544

نـــقاط 705

العمر 31

مزاجك إيه مـــــــــش رااااااااااااااايق

فودافون


يوميات شاب صعيدى وبنت ستايل احمد ونوووور Empty
مُساهمةموضوع: رد: يوميات شاب صعيدى وبنت ستايل احمد ونوووور   يوميات شاب صعيدى وبنت ستايل احمد ونوووور Icon_minitimeالسبت مايو 01, 2010 8:49 pm

الحلقة السادسة ياااااااااااااااااااااا عمووووووووووووووووووووووووور


تسلم ايدك
الرجوع الى أعلى الصفحة اذهب الى الأسفل
https://friends4ever.forum-canada.net
ɖɚɐɖ ɚɳɖ
☜☺☞
☜☺☞
ɖɚɐɖ ɚɳɖ


ذكر

عدد المساهمات 595

نـــقاط 845

العمر 31

العمل عاشق افريل لافجين

مزاجك إيه كـــن فــى الحيــاة عابــر سبيــل واتــرك ورائــك كــل اثــر جميــل فمــا نحــن فــى الدنيــا الا ضيــوف ومــا علـــى الضيــف الا الرحيــل

يوميات شاب صعيدى وبنت ستايل احمد ونوووور 1305428i2m1an64sk

يوميات شاب صعيدى وبنت ستايل احمد ونوووور Empty
مُساهمةموضوع: رد: يوميات شاب صعيدى وبنت ستايل احمد ونوووور   يوميات شاب صعيدى وبنت ستايل احمد ونوووور Icon_minitimeالأحد مايو 02, 2010 9:38 am

الحلقه السااااادسه

وبعد
ما نور كلمت احمد في التليفون...وكانت زعلانة جدا لما سمعت صوت
جارته...واحمد مكنش داري بالدنيا ساعتها ...من ساعتها احمد ابتدى يروح
الكلية وكان متخاصم مع نور بعد كلمتها الجارحة ليه...انه مش استايل وشعره
دايما منعكش....ابتدا ينتظم شوية في الدراسة لحد ما جت الامتحانات وده كان
اخر يوم في الامتحانات احمد بيكلم واحد صاحبه عن الامتحانات




احمد : امتحان ممتاااااااز سهل ميا
صاحبه : حرام عليك..ده انا مكتبتش حرف
احمد : ليه جلمك اتجصف ولا ايه
صاحبه : لأ يابني الامتحان مليان
احمد : بوي ..مليان ايه انت هتجنني
صاحبه : في ايه دلوقتي
احمد : انت طلعت اول مسألة كام
صاحبه: محلتهاش
احمد : والتانية
صاحبه : 100
احمد : حمار
احمد : طب والتالتة
صاحبه : 2000
احمد : حمار
صاحبه : يوووه
احمد : طب والرابعة
صاحبه : محلتهاش
احمد : يا حمار هما تلاتة بس
صاحبه : انت اعد ولا هتسافر البلد
احمد : لأ هسافر انا مش ليا حد هنا ولسة بيدور وشه....قربعليه الملاك نور...وبصوت رقيق
نور : يارب تكون حليت كويس
احمد : ايوة الامتحان كان ممتاز
نور : لسة زعلان مني
احمد : وهزعل منك ليه...احنا بيننا ايه
نور : مفيش عادي بسألك ..انت ليه دايما عصبي
احمد : على فكرة انا لو مجبتش امتياز هيكون بسببك
نور : ليه بس...انا السبب
احمد : فاكرة الكام محاضرة اللي اتطردت فيهم بسببك
نور : هههههههههههههههههههههه
احمد : هههههههههههههههههههههههههههه
نور : وحياة اغلى ما عندك مش تزعل مني
احمد : طمنيني عملتي ايه في الامتحان
نور : بليز يا احمد متزعلش مني اسفة بجد
احمد :وحشتيني
نور : انا ؟
احمد: وحشتيني يا امي
نور : هههههههههههههههههههههههه
احمد :مالك اتخضيتي لما قلت وحشتيني
نور : وانا هتخض ليه
احمد : اسألي نفسك
نور : هه ظريف
احمد : امسكي نفسك شوية يا بت
نور : هههه خفيف
احمد : مش ملاحظة حاجة عليا
نور: لأ بس شايفاك مبسوط عن قبل كده الحمد لله
احمد : لأ لأ حاجة في شكلي
نور : الراجل مش بشكله
احمد : اااااااه والله....بعد ايه ...مش كان شعري متنعكش ومش بيتسرح
نور : انا مكنتش اقصد ...كنت بهزر معاك
احمد : اااااااااااااه بعد ايه بقى بعد ما جبت علبة كريم بامبرز ب 25 جنيه
نور : ههههههههههههههههههههههههه اسمه بالمرز
احمد : ايوة امسكي في التفاهات دي...يعني شعري وحش
نور : جميل
احمد : بجد
نور : جميل راتب ده ممثل ممتاز
احمد : ااه يا رخمة
نور : هههههههههههههههههههههههههه
احمد : انا هسافر اسبوعين وجاي تاني
نور : ليه كده خليك هنا
احمد : هستنى ليه
نور : نروح شرم الشيخ مع الجامعة
احمد : رحتها كتير كفر الشيخ
نور : شرم شرم
احمد : بتاعت البنات البلبوسة
نور : عيببببب
احمد : في ايه هو انا اللي بلبستهم
نور : خلاص بقى رد عليا عشان نروح ..اتصل بيا
احمد : ان شاء الله
نور : اوكي اشوفك على خير
احمد : كنت عايز اقولك حاجة مهمة اوووي من زمان
نور: ايه هي يا احمد قول قول
احمد : مش مسامحك على المحاضرتين اللي محضرتهمش بسببك
نور : مع السلامة يا احمد
احمد : سلام يا نور وهو مروح بقى......عليا الطلاج لهرووووح الرحلة ....عاوزين نغير دو بقي
الرجوع الى أعلى الصفحة اذهب الى الأسفل
bebo_alex
.

bebo_alex


ذكر

عدد المساهمات 544

نـــقاط 705

العمر 31

مزاجك إيه مـــــــــش رااااااااااااااايق

فودافون


يوميات شاب صعيدى وبنت ستايل احمد ونوووور Empty
مُساهمةموضوع: رد: يوميات شاب صعيدى وبنت ستايل احمد ونوووور   يوميات شاب صعيدى وبنت ستايل احمد ونوووور Icon_minitimeالأحد مايو 02, 2010 11:49 pm

هههههههههههههههههههههه

تسلم عمووووووووووووور

الى بعده بقى
الرجوع الى أعلى الصفحة اذهب الى الأسفل
https://friends4ever.forum-canada.net
ɖɚɐɖ ɚɳɖ
☜☺☞
☜☺☞
ɖɚɐɖ ɚɳɖ


ذكر

عدد المساهمات 595

نـــقاط 845

العمر 31

العمل عاشق افريل لافجين

مزاجك إيه كـــن فــى الحيــاة عابــر سبيــل واتــرك ورائــك كــل اثــر جميــل فمــا نحــن فــى الدنيــا الا ضيــوف ومــا علـــى الضيــف الا الرحيــل

يوميات شاب صعيدى وبنت ستايل احمد ونوووور 1305428i2m1an64sk

يوميات شاب صعيدى وبنت ستايل احمد ونوووور Empty
مُساهمةموضوع: رد: يوميات شاب صعيدى وبنت ستايل احمد ونوووور   يوميات شاب صعيدى وبنت ستايل احمد ونوووور Icon_minitimeالإثنين مايو 03, 2010 9:43 am

اللى بعده الحلقه السابعه
--------

وبعد ما احمد خلص امتحانات هو ونور وقرر انه يطلع الرحلة وكان ميعاد الرحلة اتحدد

نور : هو احمد اتأخر كده ليه

ريم : انتي مالك مش على بعضك ليه

نور : وانتي مالك

ريم : مش عارفة مهتمة بواحد زي ده ازاي

نور : ملكيش دعوة بقى

ريم : صحيح عملتي ايه في العريس اللي اتقدملك

نور : رفضته طبعا..انا لسة مش عاوزة ارتبط دلوقتي

ولسة الاتوبيس هيتحرك كان احمد وصل ونور تنفست الصعداء

احمد : ايه يا جماعة انتوا كنتوا مستنيين حاجة ولا ايه

ريم : ابدا كننا مستنيين القطر

احمد : هو احنا هنسافر في الاتوبيس ولا الجطر

ريم : يااااربي

نور : ههههههههههههههههههههههههه جامدة دي يا احمد

احمد :اي خدمة يا نور ابقي تعالي كل يوم

نور : اجي فين

احمد : لا لا متاخديش في بالك

والكل ركب الاتوبيس وفجأة احمد بيطلع من شنطته طبلة كبيرة

وشغال ضرب عليها لحد ما وجع دماغ الناس كلها والكل زهق منه

احمد : ايه يا رحلة فقر مالكم ساكتين ليه محدش بيرجص ليه هطبل وهرجص في نفس الوقت ولا ايه

نور : ابدا يا احمد بس الطبلة صوتها عالي اووووي

احمد : مانا عارف ان صوتها عالي...مكنتش اعرف انها هتضايقكوا كده

نور : عامة انا مش مضايقة انا مبسوطة بيها


وفجأة احمد بيطلع من شنطته زمارة كبيرة بتاعة الفرق الشعبية

وفضل يوجع دماغ الشباب كلهم بأصوات الالات الموسيقية الغبية دي

وفضل على هذا الحال لحد ما وصلوا

احمد : يا بووووي يا جدعان المنطجة هنا جامدة جوي جوي

نور : انت اول مرة تيجي هنا

احمد : لأ جيت قبل كده ايام الحرب

نور : حرب ايه يا احمد ..هو انت حضرت حروب

احمد : هو احنا هنروح امتى يا نور

نور : يعني لسة اسبوع...انت زهقت ولا ايه

احمد : لا لا خالص بس انا مجبتش اكل كفاية

نور : احمد اكل ايه بس هنا الاكل اوبين بوفيه

احمد : يعني ايه

نور : يعني تاكل اللي انت عايزه

احمد : يالهوي ياجدعان دنا ههيص جوي جوي

نور : انا هطلع اغير بقى

احمد : اوعي تجولي هتلبسي المايوه بتاع العريانين ده بتاع البحر

نور : هههههههههههههههههه ايه يا احمد ده بس

احمد : صدجيني معرفكيش تاني

نور : انت هتنزل البسين بأيه ...معاك ماييوه

احمد : لأ انا ابويا جايبلي ترننج من السعودية هنزل بيه

نور : مينفعش يا احمد

احمد : بجولك من السعودية ..جامد جوي جوي بجولك

نور يب يلا نفطر بقى عشان جعانة

احمد : انتي على طول جعانة كده

نور : ههههههههههههههههه انا بحب الاكل اوي

احمد : انا اخر حاجة افكر فيها الاكل

نور : يعني مش هتفطر

احمد : في مش وخيار وعيش بلدي

نور كانت عاوزة تقوله ده عند الحجه الكلام ده

اول لما عرف احمد ان الاكل ببلاش قال انا جعان اوي اوي يانور

احمد : كل ده اكل يا نااااااااااس ...هيخلص امتى ده بس

نور : كل على اد ما تقدر يا احمد

احمد : عليا الطلاج انا هاكل وكل لحد ما افرجع كده

نور :انا طالعة اغير ونازلة

احمد : تغيري ايه بس يا شيخة بصي على نفسك في المراية وشوفي الولية دي


يابووووووووووووووي انا لازم اروح اتعرف عليها دي لابسة استرتش جاامد جوي جوي




اى خدعه سينمائيه
الرجوع الى أعلى الصفحة اذهب الى الأسفل
ɖɚɐɖ ɚɳɖ
☜☺☞
☜☺☞
ɖɚɐɖ ɚɳɖ


ذكر

عدد المساهمات 595

نـــقاط 845

العمر 31

العمل عاشق افريل لافجين

مزاجك إيه كـــن فــى الحيــاة عابــر سبيــل واتــرك ورائــك كــل اثــر جميــل فمــا نحــن فــى الدنيــا الا ضيــوف ومــا علـــى الضيــف الا الرحيــل

يوميات شاب صعيدى وبنت ستايل احمد ونوووور 1305428i2m1an64sk

يوميات شاب صعيدى وبنت ستايل احمد ونوووور Empty
مُساهمةموضوع: رد: يوميات شاب صعيدى وبنت ستايل احمد ونوووور   يوميات شاب صعيدى وبنت ستايل احمد ونوووور Icon_minitimeالثلاثاء مايو 04, 2010 12:12 am

[size=25]
الحلقه الثاامنه

أحمد شاف الوليه ام كلسون اتجنن عليها راح رايح وراها

واختفى من قدام نور فى ثوانى

أحمد: ايه يا وليه الكلسون الدامد ده وايه الشياكه دى كلها
الوليه: ايه الاشكال البيئة دى
أحمد: بيجة ؟ طب والله انتى اللى بيجة ومعفنة كمان وريحتك منتنه وشكلك من اللى بيستحموا من العيد للعيد
الوليه: تصدق بقى لو مسكتش انا هندهلك اللى يعرفك شغلك كويس
أحمد: ههههههه هتندهى مين يعنى بالكلسون اللى انتى لابساه ده
الوليه: لا دا انت قليل الادب ومش متربى وعايز اللى يربيك .. وبعدين ايه كلسون دى وفين هو اصلا؟
أحمد:اه جولى كده بقى ان انتى من الاول عايزة تعرفى معناها وعماله تتوهى فى مواضيييييع تانيه اه يا لجيمه
الوليه:يا تااااااااامر يا أدهاااااااااااااااام
أحمد: يطاعوا مين ان شاء الله سى تامر وسى ادهم دوووول ولادك العفاريت الصوغنانين ولا الكلاب البلوكسر بتوعك
الولية: بلوكسر ههههههههههههههههههههههه
أحمد: بتضحكى على ايه يا وليه دلوجيت
الولية: ( ولية ) انا هعرفك دلوقتى على قلة ادبك والسفاله اللى انت فيها دى
أحمد: طب والله انتى بوج على الفاضى
.. بسم الله ماشاء الله على تامر وادهم وهما رايحين لمامتهم كل واحد فيهم عامل زى السوبر جيت ..
تامروادهم: ايوااااااا يا ماما كنتى بتندهى علينا
الولية: ايوه ياحبايبى الكلب ده كان عمال يقل ادبو معايا وقال عليكوا انكوا عفاريت صوغنانين وكلاب بلوكسر
تامروادهم: انت قولت كده علينا يااااااااااااه
أحمد: عليا الطلاج ما حصل الكلام ده يا عم البلدوزر انت وهو كل اللى حصل انى كنت بجولها الساعة كام يا هانم
مامة نامر وادهم بتوجه الكلام لأحمد بس بحنيه زى ما انتوا عارفين
الولية: هانم اه يا كداب دى عمرها ما طلعت من بؤك خالص ليا يا عديم النظر
وكمان يا حبايبى كل شوية يقولى يا ولية
تامروادهم: احنا ماما يتقالها يا ولية دا انت هتموت النهارده
أحمد: يا رداله استنوا بس كده واهدوا طب انا هجول ايه اللى حصل
تامروادهم: واحنا هنستناك لما تحكيلنا ايه اللى حصل يا عم الكتكوت وبعدين ايه برطمان الكاتشب اللى انت واقع فى ده
حد يلبس بنطلون احمر
أحمد: لو سمحت يا أخ متقولش كتكوت دى وبعدين انت عندك عمى الوان ولا ايه
تامروادهم: انت كمان بترد على اخويا دا احنا هنعملك شمسية
أحمد : يااااااه عليكوا هو الواحد ميعرفش يهزر معاكوا كده اااابدآآآآ
نور: أحماااااااااااااااااد
أحمد: ايوم يا نور انا هنا واقف مع ناس صحابى
تامروادهم: صاحبك مين دول ياااااه دااحنا هنفرمك دلوقتى
أحمد: لأ والنبى يا كابتن اصلها الموزة بتاعتى ومش عايزها تشوفنى وانا بتفرم
نور: ايه يا احمد انت اختفيت مرة واحدة كده ليه وجريت ورا الست اللى كنت بتقول عليها وليه هههههههه
وعملت ايه معاها بقى يا سيدى فى الاخر ... بس انا زعلانه علشان تسيبنى وتقوم تجرى وراها كده
أحمد: طب بجولك ايه دلوجتى اجرى انزلى البحر شوية وانا هحصلك
نور: لأ انت بجد عملت معاها ايه ومش تعرفنا على صحابك . انما انت مقولتليش انك ليك صحاب هنا
أحمد : ما اصل انا لسه متعرف عليهم دلوجتى
... ام تامر وادهم كانت بتجيب حاجه ورجعت لهم تانى
نور : الحق يا احمد الست ام كلسون اللى كنت بتقول عليهها جايه هناك اهيه
أحمد: يا بت اجفلى خشمك ده بدل ما اقطعلك لسانك
هههههههههههههههههههههههههههههههههه



وهنشوووووف ايه اللى حصل الحلقة الجايه لما ام تامر وادهم راحت لهم

الدنيااااااا هتووووووولع خالص
[/size]
الرجوع الى أعلى الصفحة اذهب الى الأسفل
اسيرة الحزن
﹌﹌﹌﹌﹌﹌﹌﹌﹌
﹌﹌﹌﹌﹌﹌﹌﹌﹌
اسيرة الحزن


انثى

عدد المساهمات 495

نـــقاط 866

العمر 35

يوميات شاب صعيدى وبنت ستايل احمد ونوووور Friends4ever

يوميات شاب صعيدى وبنت ستايل احمد ونوووور Empty
مُساهمةموضوع: رد: يوميات شاب صعيدى وبنت ستايل احمد ونوووور   يوميات شاب صعيدى وبنت ستايل احمد ونوووور Icon_minitimeالسبت مايو 08, 2010 11:36 am

قصة حلوة كثيييير يا ريت تجيب باقي القصة
الرجوع الى أعلى الصفحة اذهب الى الأسفل
ɖɚɐɖ ɚɳɖ
☜☺☞
☜☺☞
ɖɚɐɖ ɚɳɖ


ذكر

عدد المساهمات 595

نـــقاط 845

العمر 31

العمل عاشق افريل لافجين

مزاجك إيه كـــن فــى الحيــاة عابــر سبيــل واتــرك ورائــك كــل اثــر جميــل فمــا نحــن فــى الدنيــا الا ضيــوف ومــا علـــى الضيــف الا الرحيــل

يوميات شاب صعيدى وبنت ستايل احمد ونوووور 1305428i2m1an64sk

يوميات شاب صعيدى وبنت ستايل احمد ونوووور Empty
مُساهمةموضوع: رد: يوميات شاب صعيدى وبنت ستايل احمد ونوووور   يوميات شاب صعيدى وبنت ستايل احمد ونوووور Icon_minitimeالأحد مايو 09, 2010 8:26 pm

اسيرة الحزن كتب:
قصة حلوة كثيييير يا ريت تجيب باقي القصة



انتى احلى ثانكس على المرور
الرجوع الى أعلى الصفحة اذهب الى الأسفل
ɖɚɐɖ ɚɳɖ
☜☺☞
☜☺☞
ɖɚɐɖ ɚɳɖ


ذكر

عدد المساهمات 595

نـــقاط 845

العمر 31

العمل عاشق افريل لافجين

مزاجك إيه كـــن فــى الحيــاة عابــر سبيــل واتــرك ورائــك كــل اثــر جميــل فمــا نحــن فــى الدنيــا الا ضيــوف ومــا علـــى الضيــف الا الرحيــل

يوميات شاب صعيدى وبنت ستايل احمد ونوووور 1305428i2m1an64sk

يوميات شاب صعيدى وبنت ستايل احمد ونوووور Empty
مُساهمةموضوع: رد: يوميات شاب صعيدى وبنت ستايل احمد ونوووور   يوميات شاب صعيدى وبنت ستايل احمد ونوووور Icon_minitimeالأحد مايو 09, 2010 10:09 pm

الحلقه التااااااااااااااسعه



الولية: ها يا حبايبى عملتوا ايه مع الكلب ده

نور: كلب ... انتى قصدك على مين يا هانم

الولية: قصدى على السافل قليل الادب اللى واقف جنبك ده

أحمد: لالالا انتى كده عديتى حدودك يا جمورة وانا مش هجدر امسك نفسى بعد كده

تامروادهم: انت بتكلم مين كده ياااااااااه

أحمد: بكلم صاحبتى يا عم الحد انت وهو

تامروادهم:ااااااه افتكرنا حاجه تانيه



أحمد جه جنب تامروادهم بصوت واطى والنبى يا كابتن انت وهو متخلوش شكلى وحش جدام الموزة بتاعتى



تامروادهم: هههههههههههههه وانت عندك موزة يا بأف

أحمد: لالالا انتوا زودتوها على الاخر انت واخوك يا عم الجمور

تامروادهم: نعم يا كوتوموتو

أحمد: بص برده تانى بتربط الهزار بالجد ياددع انا بمزح معاااااك

تامروادهم: ما علينا انجز وودع الموزة بتاعتك علشان انت هتموت دلوقتى

أحمد: لأ والنبى يا كابتن بلااااااش وانا لابس الترننجاللى ابويا الحد جايبهولى من السعودية

تامروادهم: ااااااانجز ..... طب لما انت مش اد المعاكسه والكلام ده بتعاكس ليييييييه

نور: أحمد انا مش فاهمه حاجه

أحمد : استنى يا نور ... معندناش حريم تفتح خشنها والرداله بيتكلموا

نور: يا أحمد دول بيقولوا هيضربوك وكلام غريب كده

أحمد : يا سيتى دول بيهزرووووا معايا

تامروادهم: لأ مبنهزرش .....

الوليه: علشان لازم قلالات الادب اللى زيك يتربوا كويس ويعرفوا شغلهم



أحمد بيقرب من أم تامروادهم وبيقولها

أحمد : معلش يا هانم ..متزعليش يا جمر انتى وبعدين انتى احلويتى عن جول مرة شوفتك فيها كده ليه

الوليه: خلاص يا ولاد سماح المرة دى طلع مؤدب



وبتروح مقربه من احمد وموشوشاه فى ودنه

الوليه: هستناك بكره على البيتش الساعة 10 الصبح اوعا متجيش

احمد: قشطه يا موزة من 8 الصبح هكون متلجح على البيشت

الوليه: يلا يا اولاااااااد

أحمد : سلام يا رداله بس اوعوا تنسوا

نور : احمد انا مش فاهمه حاجه خالص وبعدين تعالا هنا كانت بتقولك ايه الست دى

أحمد: لالالا يا نور مفيش حاده

نور: خلاص اوك يا احمد براحتك .... شكرآ

أحمد : وه وه وه ... الجمر بتاعى انا يزعلى منى ازااااى بس

نور : ابعد بقى بعيد عنى انا زعلانه منك

أحمد : طب والله ارمى نفسى فى البحر واغرق نفسى كمان علشان ترتاحى

نور : لأ لأ يا احمد اوعا تعمل كده

أحمد : كنت عارف يا جمر انك هتجولى كده وهتخافى عليا كماااان

نور: أنااااااا ؟

أحمد : لأ الولييييه ههههههههههههههه

نور: ماشى ماشى براحتك



انا جعااااااان جوى جوى

وهما رايحين البوفيه اللى على البلاج احمد قابل واحد صاحبه من الرحله معاهم

وكان متابع الحوار من الاول بتاع الوليه ام كلسون لحد الاخر

صاحبه : ايه يا رمبببو عملت ايه مع الكباتن اللى كانوا عاملين زى البلدوزر اللى كانوا عايزين يفرمووك ههههههههههه

أحمد :ازيك ياض عامل ايه وفينك كده

صاحبه : انت اطرش ولا ايه يا عم بقولك عملت ايه مع الاشباح اللى كانت عايزة تاكلك دى

أحمد: لالالا ياعم انا بطلت افلام رعب من زماااااااان ياعم الحد

صاحبه: ااااااه هى نور متعرفش اللى انت عملته واللى كان هيحصلك ولا ايه



نور بتبص لأحمد بصه استغراب

أحمد: طب تعالى يا نور نجيب حاده ونيجى على طوووول

نور: احمد لو سمحت فهمنى ايه اللى حصل انت مبتخبيش عليا حاجه



احمد فى سره

الله يخرب بيتك دا انا مصدقت انها نسيت الموضوع



أحمد: يا سيتى كل اللى حصل ان انا بعد لما عاكست الوليه راحت مناديالى ولادها الاتنين اللى عاملين زى

الباب اللى كانوا واقفين دول

نور: وبعدين....

أحمد: بس يا سيتى كانوا عايزين يعرفوا انا عملت كده ليه زى ما انتى شوفتى كده

بس انا جولتلهم اللى هيجرب منى عليا الطلاج لأتصل بابويا الحد هريدى فى البلد واخليه

يجى يجتلكم

نور: يا احمد دا انت عقباال ما ابوك الحج يكون زصل عندنا هنا هيكونوا عملوك زى الكوتش

أحمد : (( كوتش )) ... يا ست نور انا غلطان انى حكيتلك

نور: يا أحمد يا أحمد تعالا بس اقولك انا كنت بهزر معاك والله ... انت قماص اوووى

أحمد : لا انا جعان هروح اكل وانام علشان ورايا بكره راوندفو



تانى يوم والساعه بقت 7 الصبح

أحمد: وه وه وه ... يابوووووى الوليه كده هتروح ومش هتلاجينى على البيشت



أحمد كان على البيتش الساعه 8 بالظبط زى ماقالها

وفجأة تيجى الساعه 9,30 واحمد يلاقى مين اللى جاااااايله

على البحر وهو قاااااعد ................

.

.

.

((( توقعوا انتوا )))
الرجوع الى أعلى الصفحة اذهب الى الأسفل
ɖɚɐɖ ɚɳɖ
☜☺☞
☜☺☞
ɖɚɐɖ ɚɳɖ


ذكر

عدد المساهمات 595

نـــقاط 845

العمر 31

العمل عاشق افريل لافجين

مزاجك إيه كـــن فــى الحيــاة عابــر سبيــل واتــرك ورائــك كــل اثــر جميــل فمــا نحــن فــى الدنيــا الا ضيــوف ومــا علـــى الضيــف الا الرحيــل

يوميات شاب صعيدى وبنت ستايل احمد ونوووور 1305428i2m1an64sk

يوميات شاب صعيدى وبنت ستايل احمد ونوووور Empty
مُساهمةموضوع: رد: يوميات شاب صعيدى وبنت ستايل احمد ونوووور   يوميات شاب صعيدى وبنت ستايل احمد ونوووور Icon_minitimeالخميس مايو 20, 2010 9:10 am


أحمد وهو قاعد على البلاج مستنى ام ادهم وتامر

ميييييييين اللى طب عليييييييه ..........








الوليه: ايه يا ميدو إتأخرت عليك

أحمد : لالا خالص وحتى لو إتجخرت يا جمر

الوليه : لا دا أنت شكلك شقى خالص

أحمد: لا دانا اعجبك جوى جوى

الوليه: طيب هنشوف كل حاجه

وهما قاعدين ميين اللى طب عليهم .............

الجميله نور

ايه انتوا افتكرتوا مين مش كفايه كان هيتاكل علقه امبارح

من غير نفس بقى ونور بتتكلم

نور: ازيك يا احمد انت هنا من بدرى ولا ايه ؟

أحمد : اه قولت اشم هوا ناضيف على الصبح كده

نور: طب تعالا معايا يا احمد لو سمحت انا عايزاك

أحمد : حاضر يا نور 5 دجايج وهكون عندك بس اسبجينى انتى

نور : لأ يا احمد لو سمحت انا عايزاك دلوقتى ممكن

أحمد علشان خاطر ميزعلش نور وعلشان هو ميقدرش على زعلها

راح قايم وراحلها على طول

نور: ايه يا احمد اللى بينك وبين الست دى ممكن اعرف ؟

أحمد : مفيش حاجه يا نور صدجينى

نور : انت يا احمد متعودش تكدب عليا كده

أحمد : وانا والله يا نور معرفش الوليه ام كلسون دى عايزة منى ايه

نور بصراحه انا فى حاجه عايز اجولهالك من زمان وكاتمها فى جلبى

من زمان جوى جوى انا يا نور .............

الوليه: ايه واقفين بتقولوا ايه يا أمامييييييير .. تعالا يا ميدو انا عاوزاك فى حاجه

وراحه شدااااااه من ايده

نور : ميدو !!!!!!!!!!!

نور : يا احمد تعالا انا عاوزاك

واحمد واقف مش عارف يعمل ايه وراحه شداااه تانى وخادتو ومشيواااااا بعيد عن نور وهو مش عارف يعمل ايه...

المهم نور كانت هتتجن ومش عارفه تعمل ايه

وبعد ما رجع احمد

احمد : يا ساتر يا رب على الوليه دى اعوذ بالله

نور : ايه يا احمد كنت فين انا كنت قلقانه عليك قوى وزعلت منك اوى برده علشان مشيت وسبتنى مع الست دى

أحمد : دى وليه مجنونه

نور: ليه كانت عاوزة ايه

احمد: كانت بتطلب حاجات غريبه كده وكل شويه تجولى انت صعيدى اى كلام ولا صعيدى جامد .. والحمد لله ان ربنا نجانى منها

نور: لا والنبى وبعدين ؟؟؟؟!!!!!!!

أحمد : مكونتش اعرف انها كده انا كنت فاكرها عايزة خدمه منى اجدمهلها ولا حاجه طلعت غير كده خالص

نور: طب على العموم يا احمد انا مش عايزاك تقف معاها تانى ولا تروح معاها تانى

أحمد: طلباتك جوامر يا جمر انت والنبى انت جمر واللى يجول غير كده يبجا دموسة وابن دموسه

نور: ههههههههههههههههه

نور: ياااه يا احمد خلاص فاضل 3 ايام والرحله تخلص ونرجع للترم التانى

أحمد : بس انا عايز اجضى ال3 جيام دول وانا معاك يا جمر وعايز اعوضك عن كل اللى فااااااات

نور: بمناسبه ايه يا احمد بتقول الكلام ده وبعدين انت مين سمحلك تقولى كده وبناء على ايه بتقوله اساسا

أحمد وشه اتقلب وجاااااب 100 لون وقبل ما يرد عليها.......

نور : هههههههههههههههههههه

نور ايه مالك انت عملت كده ليه وانا كنت بهزر معاك على فكرة

ههههههههههه

أحمد : اووووووف وه يابووووووى خضتينى يا شيخه انا قولت ايه اللى حصل .انا عمرى ما حد حرجنى كده خالص

نور: لالا متخافش كنت بهزر هههههههههه

أحمد : يااااااااه على هزارك اللى عامل زى هزار الراجل بتاع جلد الخرفان اللى بيعدى علينا كل عيد فى البلد

نور: جلد الخرفااااان

ههههههههههههههه

أحمد : يا بت بهزر معاكى دا انتى دمك زى السكر

أحمد
: المهم بس دلوجتى انا لازم اتصل بأبويا الحج فى البلد واطنمه عليا يا نور
احسن يكوووون جلجان عليا ولا حاجه وبعدين هو جالى قبل ما تنزل الترعه ((
البسين )) اللى انت رايحها ابقا كلمنى وانا نسيت خالص

نور : ترعه هههههه المهم يا احمد

خد موبيلى وكلمه

أحمد : لا يا نور اصل المكالمه ممكن تكون غاليه شويه

نور: يا احمد ولا يهمك الرصيد كله تحت امرك

أحمد : لا يا نور دا كتير والله ربنا يخليكى ليا يارب بس معلش ولو فيها رخامه انتى معاكى اد ايه رصيد ؟ ههههههههههه

بهزر معاكى طبعا

نور: خد بقى وبطل رخامه وكلم الحج هريدى وسلملى عيه جوى جوى جوى ههههههههه

احمد : ههههههه ماشى يا سيتى بس بشرط هبقا اديكى دقيقه تتكلمى من عندى لما اجيب موبيل

نور: ااااه صح يا احمد انت لازم تجيب موبيل علشان ابقا اتصل بيك عليه بدل ما جارتك الجميله اللى بترد عليا كل مرة دى

احمد : ههههههههه لالا ما انا جولت لابويا الحج هريدى وقريب هيبعتلى الموبيل اللى بيجولوا عليه ده الموتوريله سن الفيل

نور: ههههههههههههههه

أحمد : ايه مش عاجبك ولا ايه يا بت انتى

نور : لالالا تمام

أحمد : طب هاتى الموبيل ولا انتى بتهربى من الجيجه ولا ايه

نور: ههههه ايه اللى انت بتقوله ده امسك وسلملى عليه اوى يا احمد
الرجوع الى أعلى الصفحة اذهب الى الأسفل
bebo_alex
.

bebo_alex


ذكر

عدد المساهمات 544

نـــقاط 705

العمر 31

مزاجك إيه مـــــــــش رااااااااااااااايق

فودافون


يوميات شاب صعيدى وبنت ستايل احمد ونوووور Empty
مُساهمةموضوع: رد: يوميات شاب صعيدى وبنت ستايل احمد ونوووور   يوميات شاب صعيدى وبنت ستايل احمد ونوووور Icon_minitimeالخميس مايو 20, 2010 9:23 am

ناااااايس عمرو عايزنك تكمل بقى يا عمور بالفعل قصة شيقة
الرجوع الى أعلى الصفحة اذهب الى الأسفل
https://friends4ever.forum-canada.net
ɖɚɐɖ ɚɳɖ
☜☺☞
☜☺☞
ɖɚɐɖ ɚɳɖ


ذكر

عدد المساهمات 595

نـــقاط 845

العمر 31

العمل عاشق افريل لافجين

مزاجك إيه كـــن فــى الحيــاة عابــر سبيــل واتــرك ورائــك كــل اثــر جميــل فمــا نحــن فــى الدنيــا الا ضيــوف ومــا علـــى الضيــف الا الرحيــل

يوميات شاب صعيدى وبنت ستايل احمد ونوووور 1305428i2m1an64sk

يوميات شاب صعيدى وبنت ستايل احمد ونوووور Empty
مُساهمةموضوع: رد: يوميات شاب صعيدى وبنت ستايل احمد ونوووور   يوميات شاب صعيدى وبنت ستايل احمد ونوووور Icon_minitimeالخميس مايو 20, 2010 9:54 am

مكالمه احمد وابوه الحج هريدى

أحمد : ازيك يابا وازى امى واخواتى والبلد كلتها

وبعدين بينه وبين نفسه (( اللهى تولعوا كلوكوا ))

الحدهريدى: ازيك يا ولدى عامل ايه وايه اخبارك مش ناوى ترجع ولا ايه يا ولدى دى البلد كلتها مستنظراااااك

أحمد: اه طبعا يابا ناوى دى البلد وحشانى جوى جوى جوى

وبعدين بينه وبين نفسه (( اللهى ارجع الاجيها مولعه باللى فيها ))

الحدهريدى
: والعمده يااحمد بيسلم عليك وعايز يكلمك علشان عايز ينزل مصر وعايز يشوفك
علشان تروحوا مع بعض تزورو الأوليه وبالمرة يشتريلوا بهيمتين بدل اللى
ماتوا

أحمد : ماتوا من ايه يابا هو انت لسه شغال فى الزريبه عنده ولا ايه يابا

الحدهريدى: ومالها يا ولدى شغلانه الزريبه دا انا دلوجتى اترجيت وبجيت مشرف على البهايم كلتها

أحمد : طب الحمد لله يابا

الحدهريدى: طب خد يا ولدى امك عايزة تكلمك

أحمد : يابا والنبى بسرعه علشان انا بتكلم من المحمول ومش بتاعى يابااااا

وبعدين بينه وبين نفسه (( يالهوووى يابا عليك وعلى سنينك السوده ))

أم أحمد : ازيك يا ولدى عامل ايه

أحمد : ازيك يامااااا عامله ايه

أم أحمد : ليك عندى يا ولدى خبر حلو جوى جوى هيعجبك

أحمد : جولى ياما جولى ما ما انا عارف اخبارك

وبعدين بينه وبين نفسه (( اخبارك السوده دى))

أم أحمد : جايبالك عروسه انما ايه زى الجمر يا ولدى

أحمد : عروسه !!!! مين دى ياما ؟؟؟

أمه : نفيسه بنت عمك ابو همام

أحمد : نفيسه !!!!! اللى كانت بتجرى ورا عربيه الرش بتاعه النموس واللى كانت بتزل الترعه

ياما دى كانت ........ ياما دى جربانه ياما

أمه : دى دلوجتى بجت عروسه وإحلوت يا ولدى

أحمد : ربنا يسهل يامااا .. بس انا دلوجتى مبفكرش غير فى دراستى

أحمد : خلاص خلاص ياما سلام دلوجتى علشان الرصيد اللى فى المحمول ميخلصش

أمه : ايه ده يا ولدى انت جيبت محلول

أحمد : وبعدين بينه وبين نفسه (( سلام بجا ياما دا انتى رغايه جوى وراح قافل فى وشها ))

نور: ايه يا احمد سلمتلى على الحج هريدى

أحمد : اه طبعا طبعا يا نور

أحمد: ياااااه يا نور لو شفتى بلدنااااااا حته من شرم كده

نور : نفسى اروح معاك يا احمد مرة واشوفها واشوف الحج هريدى ومامتك وكل اخواتك

أحمد : بينه وبين نفسه ((متشوفيش وحش))

أحمد : اااه يا نور نفسى تشوفى ابويا العمده وهو قاعد فى الزريبه أخ قصدى وهو بيبص على الناس اللى شغاله فى الزريبه

أحمد : وأد ايه يا نور ابويا مهتم بنظافه الزريبه أخ قصدى البلد كلتها

نور: هو بباك عمده طب احكيلى عن اخواتك يا احمد

أحمد : عندى يا ستى أخين وأخت

نور: واسمهم ايه يا احمد

أحمد : عواد وعبعال والبنت اسمها صابحه

نور: وسنهم اد ايه؟؟

أحمد : عواد ده حرامى أد الدنيا

نور: حرااااامى !!!!!!!!!!

أحمد : لأ يا شيخه بهزر معاكى

دا عواد عنده خمستااااشر سنه ولسه فى ابتدائى اصل بيحب الدراسه جوى تصورى !!!

نور : وعبعال ؟؟؟؟

أحمد : عبعااااااال يا عينى على عبعال ... عبعال ده تديله من فوق اكل يديكى من تحت حاجات تانيه

نور: هههههههههههههههههههههههههه

أحمد
: لا دا عبعال فظيع تصورى عبعال فى مرة كنا بنتعشا فا أمى كانت عاملالنا
بيض ومش وكان فى المش دود وكان عبعال بجاله يومين مكالش لحمه راح واكل
الدود وساااب المش !!

نور: يوميين مكاالش لحمه !!!! ههههههههههههههههه

أحمد : لأ وايه وبعد ما أكل الدود والبيض دخل الحمام

فضلت يا نور البلد كلتها 7 أيام تعانى من سد فظييييع فى المجارى

نور: هههههههههههههههههههههههه يع يعm216:

أحمد : مقولكيش بجا على صابحه

نور: لألأ كفااااااايه لحد كده

أحمد : لا كله إلا صابحه .. صابحه وهى صابحه.....

وفجأة واحمد بيتكلم مع نور راح طابب عليه واحد بلدياته من البلد واحمد بقى مرعوب ليشوفوا ويجى يسلم عليه ويفضحه قدام نور

وفعلا ده اللى حصل وبلدياته شافه وراح رايحله علطوووووووووووول

أحمد وشه جااااااب 100 لووووون وخااااااف ليتفضح قدام نور وتعرف ان ابوه ولا عمده ولا حاجه

ورااااااااح دااااخل بلديتناااااا على احمد
الرجوع الى أعلى الصفحة اذهب الى الأسفل
 
يوميات شاب صعيدى وبنت ستايل احمد ونوووور
الرجوع الى أعلى الصفحة 
صفحة 1 من اصل 2انتقل الى الصفحة : 1, 2  الصفحة التالية
 مواضيع مماثلة
-
» يوميات صعيدي بيحب بنت ستايل ( الحلقة السادسة)
» يوميات صعيدي بيحب بنت ستايل ( الحلقة الرابعة )
» شعر صعيدى
» صعيدى بيعاكس اجنبيه
» يوميات ماما سارة وبابا عمر

صلاحيات هذا المنتدى:لاتستطيع الرد على المواضيع في هذا المنتدى
(( افلام , اغاني , برامج , العاب ) Friends4ever)) :: 
.
 :: نكت وفوازير
-
انتقل الى: