قصة حب احمد وملك من مذكراتى

﹌﹌﹌﹌﹌﹌﹌﹌﹌ 495 866 35

تذكير بمساهمة فاتح الموضوع :

قصة حب حصلت بجد وهتحصل كل يوم لاى حد فيا
بس ممكن اللى يختلف فيها النهاية
دايما بيكون فى نهاية لاى قصة حب اما سعيدة واما نتهى كانها مكنتش

الحكاية ابتدت اول يوم فى الجامعة..

لما مجموعة شباب اصحاب اتفقوا انهم يدخلوا كلية واحدة وفعلا حصل اللى عاوزين وكان معاهم ( احمد) بطل القصة دى وكان معاة كمان
(محمد) و (هشام) يلاااا بقى اقولكوا اية اللى حصل ....

دخلوا الثلاتة الصحاب من باب الجامعة اول يوم طبعا احساس جديد وغريب اوى اكيد كلنا جربنا
مكان جديد وناس جديدة كمان مش عارفنها بس المهم اننا مع بعض ودة مهون عليهم التجربة.

احمد. بيكلم هشام الكلية دى شكلها من جوة مش زى ما كنت متصورها
هشام. يا عم حلوة المهم اننا مع بعض وخلص
احمد. اة يلا كويس اى حاجة بقى اهى فترة وهتعدى هو الواد محمد راح فين
هشام . مش عارف اهو كان هنا تلقية بيلف لوحدة تعالى نشوفة
ودخلو مبنى جديد شكلة كبير اوى مدرج جديد
احمد. اية يا عم محمد انت سيبنا وقاعد هنا لية
محمد . هنا الجو احسن خلينا قاعدين بقى
احمد. على رايك يلا كويس
وفى لحظة يدخل بنتين المدرج قدامهم وتيجى عين احمد على واحدةاةةةةةةةةةة يا خرابى على القمر يا نااااااس مين دى ؟
ياعم واحنا نعرف منين ماهو لسة احنا معاك اهو
وفضل احمد حاطط عينة عليها طول الوقت بيتفرج على رقتها فى الكلام وصوتها الرقيق اللى زى صوت العصافير وفضل على الوضع شوية

بس فجااااااءة

جت مجموعة شباب رخمة اووووووى وبداءت تضيقها هى وصحبتها
اية يا عم العسل دة انا لو اعرف ان الكلية فيها حاجات كدا انا كنت خلصت ثانوى من زمااااااااان

هى .بقى لصحبتها تعالى نمشى من هنا شكلهم شباب مش محترم
وفى اللحظة اللى هى بتمر فيها من قدامهم
اةةةةةةةةةةة
واحد من العيال دى بيحط ايدة على ؟؟؟؟؟؟؟ طبعا الشباب عارف

هى وبصوت عالى اية قلت الادب دى انت مش محترم وطبعا الواد رد عليها رد بايخ
كل دة وصاحبنا مضايق وفجاءة
نزل قدامها وبيكلم الشباب دول
احمد. عيب يا رجالة دى بردة زى اختكوا ومينفعش كدا
هماااا. يا عم وانت مال ؟؟؟؟؟؟؟ انت خليك فى حالك
احمد. انت بتقولى انا كدا وطبعا مع مد الايد من الطرفين وكلة اشترك فى المذبحة ههههههههه بداية مشرفة لحد ما تدخل حرس الجامعة وخدوهم على مكتب العميد.

وطبعا زى ما كلنا عارفين والعادى بتاع البنات انهم وقت الجد بيهربوااا بيطبقوا مثل الجرررى نص المجدعة لا دا هنا المجدعة كلهاااااا

طبعا دخلوا كلهم مكتب العميد ةبيحكوا اللى حصل وهو مضايق وبيقول
من اول يوم كدا هو دة التعارف اللى بتتعرفوا بية على بعض
احمد . يا فندم اللى حصل وقبل ما يكمل
اااااةةةة بيدخل القمر وتستأذن من العميد انها تحكى الى حصل ومن هنا عرف صاحبنا اسمهااااااا (ملك) اسم فى منتهى الرومانسية
...... المهم........

فهم العميد الوضع وخلصت الحاية على خير الحمد لله وخرجت ملك وخرج وارها احمد علشان يعمل حجة ويروح يشكرهااااا

لكن فجاااااااااااءة

واكملكواااا بقى لو قولتولى انكوا عايزنى اكمل فى الردود بتعاتكواااااا

. 544

ههههههههههههههه فعلا محمود وهشام بيقولو الله يسهلووووووووووو طب ممكن اقوله انا كمان الله يسهلووووو ولا لاء ههههههههههههههههههههههههه

تسلمى رجاء

﹌﹌﹌﹌﹌﹌﹌﹌﹌ 495

الجزء السابع

نفتكر مع بعض حالة احمد الرومانسى اللى قاعد
وعمرو مصطفى بقول اللى احمد حاسس بية
فى اغنية لمستك

بس دخل علية صاحبة الرخم اووووووووى
وضيع من احمد اللحظة الحلوة دى
هشام:- اصحىىىىىىىىى
احمد:- ايةةةةةةةة فى ايةةةةةةةة يا عم انت
هشام:- فوق يا عمناااا
شكلك كدا واخد جرعة حناااان شديدة عليك
هههههههههههه
احمد:- من اولها يلا ابداء بقى قر فى الموضوع علشان يبوظ قبل ما يبتدى
هشام:- ياعم على اية انا اروح احسن
احمد:- لالالالالا تروح مين تعالى نخرج كلنا وانا احكيلكوا اللى حصل
هشام:- طيب يلا
وخرجواااا احمد ومحمد وهشام
فى الطريق كان احمد بيحكى الموضوع وهو طاير من الفرحة
محمد:- احمد انت كدا عرفتها انك بتحبها
وهى كمان على وشك تقولك انها كمان بتحبك
احمد:- اةةةةةةة نفسى اسمعها منها بقى
هشام:- ها تسمع وربنا ها تسمع
احمد:- يووووووووووة انا مش قولت الواد دة بيطل قر فى الموضوع ها يخربة والله
هههههههههههههههه
وفضلوا طول الليل يضحكوا ويهزروا
وتانى يوم فى الكلية
داخل احمد الكلية وروحة المعنوية مرفوعة
واول ما شاف ملك راح مطلع تيلفونة ومتصل عليها
ملك:- الو
احمد:- اجمل وارق كلمة الو ممكن اسمعها فى العالم دى شركة فودافون لو تعرفك
ممكن تجيبك ترحبى بالعملاء
وربنااااااا الشركة تكسب الضعف فى يومين
ملك:- ههههههه انت كلامك حلو اوى
بس مش شايف انة فى مجاملة ليا شوية
احمد:- مجاملة لالالالالالالا دا وربنا الحقيقة انتى مش عارفة قيمة نفسك ولا اية
دا انتى ملااك بس نازل وسطنا علشان الناس تدوب فية
وفجاااااءة فى وسط الكلام
شاف احمد مصطفى ابن خالت ملك رايح نحيتها
طبعا احمد قفل السكة بسرعة علشان محدش يلاحظ حاجة
احمد بيقول لنفسة
( يعنى كان لازم تيجى دلوقت انت كماااان مش وقتك خالص)
وفضل احمد مستنى الواد يمشى بس مين ابدا
دا شكلة كدا مشرف معانا لاخر النهار
راح احمد على المدرج ودخل المحاضرة
وبعد خمس دقايق
دخلت ملك من باب المدرج
وقعدت قصاد احمد
وبداااءت المحاضرة
طبعا احمد وملك مش مركزين مع الدكتور خااااااالص
ومقضينها نظرات وابتسامات
طبعا اصحاب احمد واخدين بالهم مين اللى بيحصل
وكمان صاحبة ملك
وكلهم متابعين الموقف
وفجااااااءة اخد الدكتور بالة ان احمد مش معاااااااة نهائى
راح باصص اوى ومكلم احمد
الدكتور:- انت يا بنى انت
احمد:- انا يا دكتور
الدكتور:- ايوة انت انا كنت بقول اية
احمد:- بتقول اية ؟؟؟؟؟ ووقف يفكر وقالة مش عارف يا دكتور
الدكتور:- ماهو طبعا مش عارف لان مش مركز اتفضل اخرج برة
احمد:- يا دكتور انا اسف
الدكتور:- انا قولت بررررررررة اتفضل برة
طبعا احمد بيبص على ملك وشايفها زعلانة علشانة
احمد:- حاضر يا دكتور بعد اذنك
وخرج احمد وقبل ما يطلع من الباب بص لحبيبتة اوى
ونزل يقعد تحت
خلصت المحاضرة ونزلت ملك ومعاها صاحبتها
وطبعا صاحبنا قاعد على السلم مستنى
عدت ملك علية من غير كلام
لان كان مصطفى كمان مستنيها تحت
وروحت معاااة
وهو كمان روح مع اصحابة
وبليل اتصل احمد بملك
احمد:- اول ما السكة اتفتحت( وحشتينى )
ملك: يا سلام مانا لسة كنت معاك
احمد:- انتى بتوحشينى وانتى معايا وقدام عنيا مش ها توحشينى بعد 6 ساعات
دول عدوا عليا كانهم سنين طويلة
وسكت احمد شوية
وقال لملك
احمد:- ملك عاوز اسمع منك بقى الكلمة اللى مستنيها
ملك:- كلمة اية ( قال يعنى مش عارفة)
احمد:- انتى عارفة يلا بقى نفسى اسمعها منك
ملك:- لا مش دلوقت
احمد:- امال امتى بس؟؟؟؟
طيب اقولك انا
بحبك
ملك:- هههههههه قول براحتك انت
احمد:- وانتى يعنى مش بتعرفى تقوليها
ملك:- لا مش بعرف اصلى عمرى ما قولتيها لحد
احمد:- هو انا اى حد ولا اية
ملك:- لا انت انت انت
احمد:- انا ايةةةةةةة قولى
ملك:- انت لازم تقفل دلوقت علشان محدش يسمعنى بقى
احمد:- اقفل طيب مش قافل الا لما اسمعها
ملك:- لالا مش هااقول
احمد:- ها تقولى ومش هاامشى الا لو سمعتها
ملك:- طيب ب.......
احمد:- اية كملى ابوس ايديك
ملك:- بحبك
وقفلت السكة بسرعة اوى
طبعاااااا
احمد اول ما سمع الكلمة حس ان الدنيا كلها بتلف بية
ورجلية مش قادرة تشيلة
وقعد طول الليل يفكر نفسة باللى حصل
وناااام على صوتها
لكن حصل حاجة تااانى يووووووم ضايقت
احمد جدااااااا
يا ترررى اية
نعرف بعدين بقى
بااااااى

⋚ ☃ ⋛ 1066

احمد:- اجمل وارق كلمة الو ممكن اسمعها فى العالم دى شركة فودافون لو تعرفك
ممكن تجيبك ترحبى بالعملاء

شايف يابيبو فودافون مش ام نبيل

تسلمى رجاء جدااااااااااااااا

. 544

يا ابنى فودافون دية شركة الناس الرايقة مش ام نبيل الى لمت جامد الله يكون ف عونا وتسلمى رجاء وقوليلنا ع الى حصل بقى بس بسرعه

☆ 63

تسلمي يا رجاء ياعسل

بجد انا اول مرة اقرائها

بس فعلا جااااااااااااااااااااااااااااااااااااااااااااااااااااااااااااااااااامدة جدا

ويلا كمليها عشان انا متبعاها ويريت تمشي بيبو ومحمود من هنا

انا بس اللي اقرائها وهما لا

لا نهم اتنين مجانين مش ليهم في الرومانسيه

ههههههههههههههههههههههههههههههههههه

محدش يزعل انا بهزر

انا بقى مش همشى وقاعد على قلبك كدة وبعدين اناماليش فى الرومانسيه

طيب ياريمو الله يسامحك مش هشتم انا

لو هو هيعد ع قلبك انا هعد ع دماغك وبعدين بتقولى ملناش ف الرومانسية ومحسسانى انك ملكه الرومانسية وانتى ولا بتعرفى العسل من البصل

علي فكرة يا بيبو انت كدا

كدااااااااااااااااااااااااااااااااااااااااااااااااااااااااااااااااااااااااب

لان العسل طعمه حلو

والبصل بيحرق

شوفت بعرف افرق ازاي

ومين قالك اني مش رومانيسه

ع العموم الحكم في الموضوع دة لمحمود ورجاء

اطلع منها بس وهيا تعمر

ريمو وبس حد تاني لا

﹌﹌﹌﹌﹌﹌﹌﹌﹌ 495 866 35

ههههههههههههه والله انكم مجانين بس جنونكم حلو وعشان عيونك ياريمو هنزل الجزء التامن يلا نكمل

﹌﹌﹌﹌﹌﹌﹌﹌﹌ 495 866 35

الجزء الثامن

ازيكوا يا حلوين طبعااا انتوا مستنين تعرفوا اية اللى حصل
وانا مش هااطول عليكوا كتير
يلا نعرف بسرعة اية اللى ضايق احمد
بعد ما كان فى منتهى السعادة
يلااا
لما احمد كلم ملك وسمع منها كلمة بحبك
فى الليلة دى نااام على صوتها وهى بتقولها
احساااس رهيب
صحى تانى يوم وكان دة اخر يوم فى الاسبوع يعنى مش ها يشوف ملك
الا الاسبوع الجاى
لابس اجمل حاجة عندة وطبعا رتب نفسة انة النهاردة هاايروح يكلم ملك
خلاص حورات التيلفون دى مش نافعة معايا
انا بحبها وهى بتحبنى ولازم نكلم بعض
وصل احمد الكلية ومستنى يشوف حبيبة قلبة
لكن شااف حاجة غريبة
شاف ملك واسماء قاعدين مع اتنين شباب اول مرة يشوفهم
وبيضحكوااااا
طبعا احمد اضايق اوووووى
وعدى من قدام ملك وشكلة باين علية انة زعلان ومضايق
قامت ملك ومشيت وراة لحد ما اقعد على السلم
ودخلت قدامة
وكانت دى اول مرة يفقوا سوووووا
ملك:- مالك يا احمد شكلك زعلان لية
احمد:- وانتى عاوزانى اشوفك واقفة مع واحد غريب واكون فرحان
ملك:- بس دة ابن عمى والتانى اخو اسماء
احمد:- ولو يا ملك بردة معدتش يحصل كدا تانى
انتى مش عارفة اد اية انا بحبك واغير عليكى
ملك :- للدرجادى يا احمد
احمد:- واكتر من كدا
ملك
ملك:- نعم يا احمد بجد انا مش هاعمل كدا تانى
طالما دة بيضايقك
احمد:- بحبك ومش متخيل اى لحظة تانية تفوت من عمرى الا وانا معاكى
انتى لو بعدتى عنى انا ممكن اموت
ملك:- ياااااارب يا احمد نكون لبعضنا طول العمر

وبعد كداااااا بداء احمد وملك فى قصة حبهم بجد
كل يووووووووم يعدى لازم يكونوا مع بعض
كل مكاااااان بقى متعود كل يوم يشوف
احمد........ وملك
وفى يوم
هشام صاحب احمد اتصل باحمد
هشام:- انا بحضر لرحلة للاهرام والقلعة وكدا يوم حلو يعنى
احمد:- طيب وانا اعمل اية يعنى
هشام:- يااااعم كلم ملك وشوفها ويلا اطلعوا معايا
احمد:- اة تصدق طيب انا هااكلمها وارد عليك بالليل
واتصل احمد بملك
احمد:- ملك اية رايك فى رحلة بيحضر لها هشام صاحبى
اية رايك يا حبيبتى
ملك:- انت بتسأل عن راىء اى مكان انت راضى عنة انا معاك فية يا حبيبى
احمد:- هههههههه ماشى يا حبيبتى خلاص جهزى نفسك بقى

وفعلا اتصل احمد بهشام وقالة انة جى هو ملك ورتب نفسة على كدا

وجة يوم الرحلة

وركب احمد ومعاة ملك الاتوبيس
لكن كان فى حد موووووووجود هغير طعم الرحلة

ياترى مين بقى ؟؟؟؟؟ حد عارف
انا بس اللى عارفه وهااقول علية فى الجزء الجاى

الواد بيبو اللى هغير طعلم الرحله

تسلمى رجاء

اما بالنسبه لموضوع ريموووووووووو لا طبعا دة رومانسيه وملكه الاحساس هنا

﹌﹌﹌﹌﹌﹌﹌﹌﹌ 495 866 35

الجزء التاسع

من غير مقدماااااااات

ركبت ملك الاتوبيس وادول ما دخلت شااااااافت
مييييييييييييين

مصطفى ابن خالتهااااا

وشكلة بااين علية كدا انة عرف حاجة من اللى بين احمد وبين ملك

مضايق وبيبص لاحمد نظرات غريبة اوى

ساعتها بعد ماكنت ملك فى منتهى السعادة شكلها اتغير
واحمد حاسس طول الوقت انها مش على طبيعتها
طول الطريق ساكتة مش بتقول كلمة

وكمان احمد مش عارف يكلم مين ويحكى لمين
معااااة اصحابة بس اى حاجة فى الدنيا
مش ها تغنى عن احن واعز قلب علية فى الدنيا
وصل الاتوبيس ونزلواااا الشباب كلهم
ونزل مصطفى ووراة ملك

ونزل احمد لوحدة وجة هشام يكلمة
هشام:- اية يا احمد فى اية
احمد:- مش عارف يا هشام مصطفى دة شكلة عرف حاجة
انا خاايف اوى على ملك
هشام:- انا والله كنت مكلم ناس كتير تجيب ركاب للرحلة معرفش مين جابة
احمد:- عاادى يا هشام بس هو شكلة مش طبيعى
هشام:- ربنا يعدى اليوم دة على خيررر
ويستنى احمد اى فرصة ويتصل على تيلفون ملك
بس تيلفونها مقفوول طول الوقت
وكااااان فى مفاجاءة بقى فى انتظار ملك
مصطفى :- اية يا بنت خالتى مالك مش مبسوطة ولا اية
ملك:- لا والله عادى
مصطفى:- اية ولا عاوزة احمد يكون فى ايديك علشان تفرحى
ملك:- انت بتقوول اية احمد مين
مصطفى :- انتى فااااااكرة انى مش عارف حاجة
لالالالا تبقى غلطانة اوى
انا عارف كل حاجة بينك وبين الواد دة
ومش انا وبس
لالا وامك كمان يا ملك وهى اللى صممت النهاردة بقى انى اخرج معاكى
لانها مرديتش تمنعك وتعمل مشكلة علشان ابوكى ما يعرفش حاجة
ملك:- (وطبعاادى اول مرة تتحط فى موقف زى دة) حالتها وحشة جدااااا
واحمد طول الوقت ماشى لوحدة ومش عاوز يكلم حد
ونزلت الرحلة ودخلوا الهرم
وقعد احمد لوحدة بعيد شوية عنهم
وبيقول لنفسة
( انا اية اللى خلانى اعمل كدا لو ملك جرالها حاجة انا مش هااسمح نفسى)
وبيبص قدامة شاف مصطفى جى علية
مصطفى:- اية يا ميدو قاعد لوحدك لية
احمد:- لا مفيش اصلى مش واخد على الجو دة
مصطفى :- اة واخد انت على جو الجناين والخضرة والزهور
احمد:- تقصد اية يعنى
مصطفى:- لو كنت فاكرنى عبيط او اهبل ومش عارف حاجة عن اللى بينك وبين بنت خالتى تبقى غلطان
احمد:- يا مصطفى بلاش تقول كلام زى دة انا بحب ملك وهااجى اخطبها
مصطفى :- تخطبها ههههههههههه ضحكتنى
احمد :- تقصد اية يعنى
مصطفى:- لا ولا حاجة المهم واللى عاوزك تعرفة
انك لو ما بعدتش عنها مش ها يحصلك طيب انت فاهم
انا بكلمك بالراحة علشان انا باقى ان انت فى يوم كنت صاحبى
لكن بعد كدا انت حر بقى
ومشى مصطفى وحس احمد انة مخنووووووق وفكر انة لازم يكلم ملك
بس ازاى ما تيلفونها مقفول
وكمان هااكلمها ازاى والواد دة معها
يارب خليك معايا

وخلص يوم الرحلة

وروحت ملك بيتها وكان مصطفى لسة معاها لغاية ما دخلت البيت
وفى البيت كان فى حاجة اكبر مستنية

والدة ملك قاعدة على نااار بعد اللى سمعتة

ام ملك:-اول ما ملك دخلت بتقولها انتى شرفتى
ملك:- تقصدى اية يا امى
والدتها:- اقصد اية انتى عارفة قصدى كويس وعارفة انا اقصد مين
ملك:- انهارت طبعا من العياط
ولدتها:- وليكى عين تعيطى كمان بعد اللى عملتية بتعرفى شباب يا ملك وكمان بتشوفية من وراناااا
دا ابوكى لو عرف ممكن يدبحك فيها
انا مصدقتش نفسى لما مصطفى قالى بقى بنتى اللى انا مربيها تعمل كدااااا
طيب ازاى
ملك:- احمد بيحبى وكمان ها يجى يخطبنى
والدتها:- اخررررررسى وطبعا ضربتها قلم صااااروخ
ليكى عين تردى عليا
طبعا الملاك البرىء دة اعصابة ومشاعرة مش تتحمل حاجة زى دى وانهارت ملك فى العياط بجنون

طبعا حال احمد مش ها يفرق كتير عن حال حبيبتة

عمال بيفكر فيها وياترى عاملة اية
انا السبب فى كل دة انا اللى عملت فيها كداااا
ونزلت دموع احمد وكانة حاسس ان حبيبتة بتبكى
دخلت فى الحظة دى
ام احمد وكانت جايبالة العشااء
شافتة
والدة احمد:- احمد مالك يا حبيبى انت بتعيط
احمد:- سكوووووووووت
والدتة:- رد عليا يا بنى فى اية
فى حد مزعلك .
لكن احمد انتفتح اكتر فى العياط
وامة بتحاول تفهم منة فى اية
بقى احمد ابنها اللى مقضى حياتة ضحك لوحدة كدا بيعيط

حكى احمد لامة الموضوع لغاية اللحظة اللى فيهااا
وطلب منها تكلم ابوة علشان يرحوا يخطبوا ملك من والدها
ووعدتة امة انها تكلمة النهاردة لما يرجع
استنى احمد على امل ان امة تكلم ابوة النهاردة
بس لما ابوة رجع وبعد شوية سمع صوتة عالى من ابووة
وبيزعق اوووووى

وها نعرف السبب فى الجزء قبل الاخير
سلاااااااااام

ههههههههههههههههههههههههههههههههه

ماشى يا رورو بس ياريت بسرعه بقى

هههههههههههههههههههههههههههههههههههه

قلم صااااروخ انا هضرب بيبو كدة

تسلمى رورو ياقمر

﹌﹌﹌﹌﹌﹌﹌﹌﹌ 495 866 35

الجزء قبل الاخير

ونكمل

احمد دلوقت فى حالة وحشة اوى
وكل اللى بيدور فى دماغة
يا ترى اية اللى بيحصل معاكى يا ملك
اكيد زعلانة وبتبكى يااااااااااة لو اعرف اجيلك وابص عليكى
وامسح كل دمعة فى عينك باااايدى
ااااااةةةةةةةة
لو الزمن يمشى زى مانا عاوز ويقربنى منك دلوقت
وفجاااااااااة
سمع احمد صوت ابوة بيزعق اوى وبيقول

يخطب ؟؟؟؟؟؟
والد احمد:- يخطب مين واروح اقول للناس اية ابنى لسة بأخد مصروفة
منى
وعاوز اخطبلة بنتكواااااا تيجى ازاى

انتى اللى عملتى كدا فية انتى اللى دايما بتعمليلة اللى هو عاوزة

لازم تشوفى حل لابنك دة يا اما مش هايحصل طيب انتى فاهمة
والدة احمد:- هدى نفسك بس يا حاج انا هاافهمة كدا ارتاح انت
يااااااااااااااااااااااة

عاارفين الاحساس لما تكون راكب على مركب جميلة انت وحبيبتك
ومرة واحدة المركب دى تغرق

وشايف قدام عنيك حبيبك بتأخدة الامواج
وانت بتحاول توصلة
لكن
بتجى موجة اعلى وتفصل بينكوااااااا
ويختفى من قدامك.

بكى احمد بصوت عااالى
وفتح باب بيتة وطلع يجرى على برة
مش عارف يروح فين
ولا لمين
لاقى نفسة قدام بيت ملك
قعد لوحدة تحت البيت مستنيها ولو تفتح الشباك ويطمئن عليهااااا
فى الوقت دة ....
كانت ام احمد بتحاول تقنع ابوة ان احمد بيحبها وخايف تضيع منة
ولو بس يخطبها دلوقت
وفعلا اقتنع بكلام ام احمد
ولما رجع احمد البيت ابوة ندة علية
والد احمد:- يا بنى انت عارف ان انت ابنى الوحيد
وانا خايف عليك وعاوز مصلحتك الاول
احمد:- يا بابا انا عارف بس كل اللى انا عاوزة من حضرتك تروح بس تكلم والد ملك
علشان محدش يعمل لها مشاكل
والد احمد:- انت بتحبها يا احمد للدرجة دى
احمد:- بص فى الارض
والد احمد :- اخد احمد فى حضنة اووووى وقالة اطمئن يا بنى خلاص هااعملك اللى انت عاوزة
يااااااااااااااااااااااة
احمد ردت فية الروح وكان نفسة يطير ويبلغ ملك بكلام ابوة لكن بردة لسة تيلفونها مقفول
ومش بتيجى الكلية
ولا احمد بيشوف اسمااااء
حاول احمد يوصل لتيلفون اسماء واتصل بيها
....ودى المكالمة....
احمد:- الو اسماء
اسماء:- مين بيتكلم
احمد:- انا احمد يا اسماء بعد اذنك عاوز اشوفك ضرورى
اسماء:- طيب يا احمد انا جاية بكرة الكلية وها تشوفنى هناك
احمد:- متشكر يا اسماء اوى

وتانى يوم فى الكلية داخل احمد بيدور على اسماء زى المجنون
شفها وجرى عليها
واول سؤال كان ليها؟؟؟ فين ملك

اسماء:- ملك حالتها وحشة اوى يا احمد ابوها اخد منها الموبايل
ومش بتخرج من البيت
حتى المحاضرات انا بوديها لها ومش ها تيجى الكلية لحد الامتحانات
احمد:- طيب ازاى بس انا عاوز اقولها انى كلمت ابويا وموافق يجى يخطبها من ابوها
اسماء:- اتأخرت يا احمد

احمد:- اية بتقولى ايةةةةةةةة؟؟؟

اسماء:- ملك لها ابن عم كان مسافر ورجع من اسبوع وكلم والدة علشان يطلب ايد ملك من ابوها
احمد::-- بتقولى اية يا اسماء انتى متأكدة من الكلام دة
اسماء :-اة يا احمد
احمد :- وملك انا عاوز اكلم ملك ضروورى
اسماء:- طيب بص انا هااروح عندها النهاردة ولما ارن عليك تعرف ان احنا لوحدنا وكلمها
احمد:- والدموع على طرف عنية ومش قادر ينطق حاضر يا اسماء حاضر
ودخل احمد البيت
ومش عارف يمسك دموعة
امة لاحظة ان ابنها مخنوق
والدة احمد:- مالك يا بنى
احمد:- ملك يا امى فى واحد راح واتقدملها
والدة:- لا متخفش انا هااخلى ابوك بكرة يروح لابوها
احمد:-بجد يا امى بجد
والدة احمد:- ايوة يااحمد بجد
وفضل احمد حاطط التيلفون قدام عنية ومستنى
ومررررة واااااااحدة
رن موبايلة
دا رقم اسمااااااء
اتصل احمد زى المجنون واول ما الخط اتفتح
سمع صوت حبيتة نزلت دموعة على خدة ومش قادر ينطق ولا كلمة
احمد:- ملك وحشتنيييييييى مش قادر اعيش من غيرك يا ملك
ملك:- وانت كمان يا احمد انا بموت كل يوم نفسى اسمع صوتك
بس هنا واخدين بالهم منى اوى ومش بيخلونى اخرج برة البيت حتى
احمد:- بجد يا ملك فى حد جة وطلب ايديك من ابوكى
ملك:- ااااة يا احمد عمى جة وكلم ابويا على ابنة بس انا استحالة اوافق يا احمد
دا انا امووت لو كنت يوم لغيرك
ونزلت دموع احمد........ودموع ملك
احمد:- اطمنى يا ملك انا جاى بكرة انا والدى وهااطلب ايدك
متخافيش
ومفاجاءة اتقفلت السكة.....
ياترى حصل اية وها يحصل اية؟؟؟؟؟؟
هتضيع ملك من احمد......ولا مش معقولة تنتهى قصتهم كدا
معقولة تروح لغيرة...... معقولة الزمن يفصل بين قلبين حبوا بعض
مستحيل ....
على العموم
دا بقى ها نعرفة فى الجزء الاخير من القصة

ماشى اووووووووووووووى يارورو

لما نشوف يااختى

﹌﹌﹌﹌﹌﹌﹌﹌﹌ 495 866 35

المشهد الاخير

مع انى مش هاين عليااااا اسيبكواااا والله
اهى اهى اهى""""

بس اعمل اية نصيبى كداااااا
خلينا نشوف بقى اية اللى حصل
دخل ابو ملك فجاءة عليهااا وكان بيسمع ملك من ورا الباب
واخد منها الموبايل ورمااااااااة فى الارض
وطبعا
ضربها قلمين حلوين وعلى صوتة وقال
انا مكنتش ناوى اوافق انك تتخطبى دلوقت مع ان عمك كلمنى علشان ابنة
وقولت لما تخلص التعليم لكن دلوقت
اقسم بالله
لازم خطوبتك على ابن عمك تكون فى خلال الشهر دة!!!!!!

طبعا ملك جتلها حالة غريبة ووقعت على الارض
ومش بتنطق
طبعا اسماء كانت موجودة فى المشهد دة
ولما ملك فاقت سبيتها ونزلت
واول ما خرجت فى الشارع بسرعة اتصلت على احمد
وحكتلة كل الى حصل
احمد كان ها يتجنن ودخل على ابوة
احمد:- لو سمحت يا بابا يلا نروح لابو ملك دلوقت
والدة:- ما ينفعش يا بنى لازم اخد ميعاد من الراجل الاول
احمد:- علشان خاطرى يا بابا اتصل بعمى ويلا نروح دلوقت ضرورى
واتصل احمد بصاحبة هشام
وجة هشام بسرعة البرق
وحكالة احمد على اللى حصل كلة
وقعدوا يقنعوا ابو احمد لحد ماوافق
وفعلاااااا
رحوا احمد وابوة وعمة وهشام صاحبة على بيت ملك
ونرن الجرس
فتحت الباب والدة ملك
سأل ابو احمد على والد ملك لو كان موجود وقالتلة والدة ملك انة موجود
دخل ابو احمد
وطبعااا الشاى جة الاول... وشربوا الشاى,,,,
والد احمد:- والله يا استاذ شريف انا جى النهاردة علشان اطلب ايد بنت حضرتك لابنى احمد
طبعا احمد بيدور بعنية فى الشقة كلها على ملك
لحد ما لمحها واقفة على باب اوضتها والدموع فى عنيها
وكانة عاوز يطمنها ويقولها اهو انا جيت امنع اى كلام ممكن يتقال عنك
بس رد ابو ملك جة مفاجأءة .....
والد ملك:- والله حضرتك انا كان يشرفنى لكن بصراحة ملك ها تتخطب لابن عمها

طبعاا ملك اول ما سمعت كدا اتصدمت وجريت جوة اوضتها
حتى احمد الدموع مليت عنية وحس انة اتخنق ومش قادر يتكلم
والد احمد:- والله انا احمد ابنى كلمنى على بنت حضرتك وانة شفها فى الكلية ومكنتش اعرف ان فى حد متكلم عليها
بس احنا بنعتذر عن سوء التفاهم دة
والد ملك:- لا والله انتوا شرفتونا واحمد دة زى ابنى
وخرجوا وهما لسة على الباب وبعد ابو ملك ما قفل الباب
احمد انفتح فى العياط
ولما نزلوا تحت فضل يصرخ ويعلى فى صوتة
احمد:- يعنى اية خلاص راااااااحت
لالالالالالالا
مستحيل اسيبها تضيع منى كدااااا
هشام:- اهدى بس يا احمد
احمد:- اهدى لحد امتى انت ماسمعتش ابوها قال مخطوبة لابن عمهاااا
يعنى خلاص ملك راحت منى
خلاااااااااص

وكانت حالة احمد وحشة جدااااااااا
وابوة وعمة بيهدوا فية وكمان هشام صاحبة
اخدوة على البيت
ودخل اوضتة ولا راضى يأكل ولا يشرب ولا يكلم حد
حتى هشام اعز اصدقائة رفض يشوفة
مفيش اصحاب يحسوا باحمد دلوقت غير اتنين وبس
قلبة
....و.....عنية
قلبة.. اللى اختار الانسانة اللى حس بيها وحبها ومستحيل يكون لغيرها
وعنية.
اللى بتعبر عن مدى حزنها على فراق اجمل ما شافتة وبتتمنى تشوفة
مر يوم واتنين على حال احمد دة
راااااافض كل حاجة
وكانة بيبع الحياة اللى معدتش تسوى حاجة من غير الانسانة اللى اختارها
واتصل احمد باسماء وطلب منها تروح لملك دلوقت فورا
وفعلا راحت اسماء لملك ورنت على احمد
اتصل احمد بملك وقالها كلمتين بس
عاوز اشوفك
وقفل السكة
قدرت اسماء تقنع والدة ملك انهم رايحين يزورا واحدة صاحبتهم تعبانة
وخرجت ملك مع اسماء
واتصلت اسماء باحمد وعرف هما فين
واول ما شاف احمد ملك جرى عليها ومسك ايديها
ونزلت دموع الاتنين وهو بيقولها
عاوزين يبعدونا عن بعضنا
عاوزين يحرمونى منك

ردت ملك على احمد مستحيل يا احمد ابعد عنك
مستحيل
وقبل ما تكمل كلامها
..كانت المفاجاءة
..
والدة ملك جت...
بصت لاحمد اوى ومسكت ايد ملك وشدتها
وقالت لاسماء انسى ان لكى صاحبة اسمها ملك تانى
وقتها حس احمد ان ملك خلااااص راحت منة
بس لسة مش قادر يسلم حبة بسهولة كدا
فات اسبوعين ولا ومش عارف يوصل لاخبار ملك
وفى يوم دخل هشام على احمدوشكلة حزين اوى
( عرف احمد ان هشام جى يقولة)
هشام:- احمد شبكة ملك يوم الخميس

وقف قلب احمد عن النبض
ونزلت دموع عنية بس المرة دى الدموع بحرارة
خلاااااااااص ضاعت منى
خلاااص انتهت الحكاية
وقام احمد يجرى
وحضر شنطة سفر وخرج من باب البيت وجريت امة وراة لكن محدش قدر يمنعة
سافر عند عمتة فى اسكندرية
لكن يوم الخميس الصبح
حس انة عاوز يودع ملك لاخر نفسة يشوفها ولو من بعيد
ووصل احمد مكان الفرح دخل احمد القاعة واول ما دخل وقعت عينه على ملك نبض قلبه واللى ما اتمناش حد فى الدنيا غيرها ... لابسة فستان الفرح
كانت ذى البدر ليلة 14
مافيش اتنين يختلفوا على جمالها
كل الناس قاعدة وفرحانة
الا قلبين
احمد....و... ملك
دخل احمد وكانت فى نيته يعمل حاجات كتير اوى
بس ما كنش متصور انه اول ما هيخش عينه ها تقع عليها
خاف انها تشوفه ... استخبى وفى عينه الف دمعة والف سؤال ؟؟
طول عمره بيحلم بيوم ذى ده
يوم ما يقعد جمب ملك فى الكوشة
والناس فرحانة
كان دايما شايف نفسه جمبها فى بدلة الفرح
وهى بفستانها الابيض
اتكلموا مع بعض عن اليوم ده كتير
وقد اى هما الاتنين استنوه
بس اللى عمرهم ما اتوقعوا ان
احمد ما بيقاش جمب ملك
......
افتكر احمد كل كلمة قالتهاله ملك
افتكر كل لحظة كانت معاه فيها
افتكر اول يوم شافها.......افتكر يوم خطفت قلبه
افتكر يوم ما قالتله بحبك
واول مرة لمس ايديها
يااااااااااااا
حاجات كتير اوى كانت جواه
وجواه حاجات كتير نفسه يعملها
عاوز يهد الدنيا عاوز يخطف ملك
ويطير بيها على فرسه الابيض ذى ما كان بيقرا فى الرويات
بس مش دايما الحقيقة بتنتهى بالنهايات السعيدة
ذى الرويات ....
بس ما اقدرش يعمل غير حاجة واحدة وبس
ان عنيه تدمع على فراق حبيبته
وعلى امله فى انها ترجعله
بكى احمد كتير اوى وهو واقف مكانه
من غير ما يقدر يتحرك
وكأن رجله اتسمرت فى الارض
صحابة شافوه ما صدقوش ان هو ده احمد صاحبهم
اللى الضحكة ما كنتش بتفارق شفايفه
معقول الحب يعمل فيه كدااا!!!
ااااه
لانه بيحب بجد
لان قلبه فى يوم ذى ده كان بيتخلع من جواه
مقدرش احمد انه يكمل
اخدوه صحابوه وطلعوا برة
حصلتله حالة ذى الهيستريا
انتهت بانه فتح عينه لقى نفسه على سريره
ودموعه لسة فى عنيه
ومش هو لوحده
دى دموع كل اللى حوليه
فى اللحظة ديه عرف احمد ان حياته خلاص انتهت وما بقاش ليها لزمة
ها يعيش ازاى وهو كان عايش ليها
بيتنفس ليها
بيحلم بيها
عاشق كل مافيها
قرر احمد انه يبعد
وذى ما بيقوله لو ليه نصيب فيها
هتكون له مهما حصل
قعد احمد طول الليل
حزين ... بيفكر فيها
طب هى اى شعورها دلوقتى
حاسة ب ايه ؟؟
زعلانة اد ما انا زعلان
ولا خلاص استسلمت للدنيا
وسلمت امرها وقلبها لواحد تانى
خلاص نست كل اللى ما بينا
نسيت كلمة بحبك اللى قالتهاله وهو حس بيها
نسيت كل الكلام اللى اتقال
نسيت هو عمل قد اى عشان يوصلها
وكل ده
راااااااااااح
ولا هى كمان اتظلمت فى الدنيا ذى ما انا اتظلمت
يمكن تكون هى كمان اتظلمت اكتر منى
يعنى مش كفاية انها تسيب حبيبها
لا وكمان ها تكمل حياتها مع واحد مش بتحبه ...
عاش احمد وما عندهوش غير املين
انها تكون مكتوباله وترجله تانى
او انه يحاول ينساها..........
حول احمد جامعة تانية واختار الغربة
احسن من عذاب قلبة كل ما يشوفها مع خطيبها
وعرف احمد بعد مدة انها اتجوزت
ما اقدرش احمد انه يعمل حاجة غير انه يسلم امره لربه
ويدعلها من كل قلبه
يااااااا رب
اسعدها فى حياتها ...

ويارب الانسان دة يقدر يسعدها اكتر منى
وفاااتت سنة
وفى يوم
رجع احمد بيتة ونزل بليل يفتكر ايامة مع ملك
وفى لحظة قلبة اتخلع من مكانة
لما شاف ملك لسة زى ماهى بس اللى زاد عليها ان جوزها فى ايديهااا
عنيها جت فى عنية
ومقدرش يمسك دموعة
حاول يدريها
جرى احمد على اوضتة وقفل علية الباب
وطفى النور وولع شمعة
كانها ايامة مع ملك وبتدوب وتتحرق
ومسك القلم فى ايدة
ومش عارف ها يكتب اية
احساس عاوز يخرج
كلام خارج من قلبة
ودموعة على عنية
كتب من غير ما يحس

وكان اخر كلامة...
كنت معاها بحلم بهواها

مستنى اشوفها ..... او المح طيفها
اجرى عليها وامسك ايدها
ما أنا أصلى فى يوم كان اسمى حبيبها
وتفوت سنين وانا حزين ...... والحلم يروح ويبقى جروح
وحبيبى فى قلبى منين ما ارووح
واتمنى اشوفها ولو لثوانى
وافتكر ايامى معاها من تانى
اضحك على نفسى واقول
انسااها
دى ايام فاتت وياها
ولو تدور تلاقيها
نسيانى
يمر شريط حياتى قدامى
حياتى ال ما عشتش غيرها
ومع غيرها ما عشتش انا
فين الحب فين العشق فين الغنا فين الهنا
كله راح كله اتبخر واللى اتبقى حبى
أنااااااااااااااا
وف لحظة
عينى تيجى عليها
تبتسم والدموع مالية عنيها
ماهى مش لوحدها
دى معاها....... جوزها
فى عنيها كلام وسلام
ذكرى وشوق وغرام
شايلاه جواها من زمان
من أيام نفس المكان بس عدى عليه كام سنة
لحبيبها
ده اللى هو اناااااا
ليه يا زمن تعمل كدا
وتضيع حبنا بالشكل دة
خلاص بقت لية

وانا مكتوب عليا الفراق
ومن كل قلبى

يااااااا رب
اسعدها فى حياتها ...
وكتب احمد القصة فى اوارقة
ودور على اسم ليها
فكر يكتب اسمة واسمها عليها لكن اكتشف انة حتى مش مسموح لة يفكر فيها
قفل القصة وكتب عليها

مكان قلبى ...... وعنوانة

وعاش احمد من غير حب مستنى حب جديد يمكن يقدر ينسية ملك

ويقدر يمحى حبها من جواة بس اكيد صعب
واللى راح استحالة يرجع
,,,,,,,,
,
وبكداااا تنهى حكاية حب جميل عايش فى قلب واحد لسة
ونتنهى حكاية احمد وملك
واشكركم على ردودكم الجميلة دى
واشكر كل الى شارك معايا
فى القصة
,,,,,
,,,
,
قصة من واقع
اتعاش مش خيال مؤلف عاش كل لحظة فيها يمكن تتشابة الاحداث مع ناس تانية
بس بشكل تانى
لحظات فاتت واتسجلت دموع وفرح
لحظة حلوة ولحظة مرة

بس دائما
...
اللحظات المرة اكتر من كل اللحظات الحلوة

يا خسااااااااااااااااره نهاية تزعل جدا بس يالا تسلم ايدك رووووووووووووووووورووووووووووو

☆☆☆ 899 1058 33 طالب احلى مزاج

هههههههههههههههه مشكلة انتى يا رجاء بتوقفينا ع حاجات غريبة تسلم ايدك ونزلى الجزء الخامس بسرعة

» احلى صور لأ احمد عز
» اعمال الاسطوره احمد زكى
» اجمل صور للراحل احمد زكى
» خايف* احمد علاء*
» كليب احمد حلمى - ماما