جاوبونى بس اكدي بصراحه

كلنا طبعا سمعنا البوم جناات
و انا بسمعه انهارده و لقيت كلمات الاغنيه تحفه
فقلت لازم انزل تويك بيها
عشان هى بجد تستاهل
اللى مسمعهاش اهى الاغنيه

....................

بيعاملنى يا ناس معامله
مش هى و راضيه بيها
و الكلام يا دوب على اد السؤال

يرضى مين فى الدنيا دى
ابقى عايشه وحدانيه
و هو مبيسئلش عنى و لو سؤال
.............................

فى حد كده بجد؟
واحده تكون بتحب واحد اوى و بتموت فيه
و هو بيعاملها كده
و هى بتسحمل كل ده برضه
و فى الاخر تقول انا مش ندمانه بس انا زعلانه و خايفه عليه


عايزه اسال سؤال دلوقتى
طيب هو لو يحبها و هى متأكده من كده
هو ليه بيعمل فيها كده ؟
هى متستهلش منه كده ابدا ؟
دى بتفضله على نفسها ؟
دى ضحت بكل حاجه عشانه ؟

و فى الاخر حتى مفيش كلمه كويسه
و الكلام على اد السؤال
طيب هو مكنش كده و لما هى حبته اوى
هو عمل فيها كده
يعنى دى اخره الحب
و دى مش حاله واحده بس
لا ده حال بنات كتير مننا
ساكتين و مستحملين عشان بيحبوا بجد


طيب لو انت او انتى فى الموقف ده
حتعمل ايه ؟
حتصبر عليه و تكمل معاه
و لا حتقول انا تعبت خلاص و لازم القى حد يقدرنى
و يعاملنى كويس

مستنيه ردكم على السؤال
انا والله واحدة من دوال

يمكن يكون حب واحدة تانى او فى حاجة شافه فى الوقت دة مش عجبا فيها

وانا عايز اقول حاجة للبنت لو هى بتحبه تصبر عليه شويه يمكن يرجع زى الاول ويشوف قد ايه انها بتحبه وبتضحى عشانه فى حاجات كتير


تسلمى نهى على الموضوع الجميل يسعدنى انى اكون اول واحد يرد عليكى

هى بتحبه بقلبها وناسيه تفكر بعقلها

وده سبب إلى هى فيه من الأول


ولو هو حبيبها بجد ميسبهاش فى العذاب ده

ويعلمها معنى الحنان

بس هى لازم تفكر بعقلها أكتر معاه

وتاخد قرارات مع نفسها فى مواقف بينهم


وتحسسه إنها مش راضيه على بيعمله


علشان هى غاليه عند نفسها قبل ما تكون غاليه عنده

وشكرا لموضوعك أغنيه جميله

ربنا يوفقك وبجد فكرى بعقلك أكتر يا غاليه

حاضر بس البيحب بجد مش بيفكر بعقلها والمثل بيقول مرايت الحب عماقها