غض بصرك !!

موضوع: غض بصرك !! الخميس أبريل 22, 2010 3:36 am

بص للموزة اللى ماشية هنا
وللبنوتة الحلوة اللى ماشية هناك

عاكست انهاردة بنت جامدة
واتفرجت على اللى لابسين مايهوات

هم اللى عاملين فنفسهم كده

بقوا فعنينا ارخص بنات

طب هى هتتحاسب على اللى بتعمله

هل انت ملكش اى حسابات

هى عنيك ملهاش حق عليك

ولا فاكر ان دى مجرد هفوات

تبص يمين تبص شمال

رنات ومزدات وخد وهات

ونسينا ربنا فده كله

وغض البصر وكل الإيمانيات

لو هي عاملة كده فنفسها

انت عامل إيه فعينيك

عنيك دى أمانه من ربك

وأكيد ليها حق عليك

ياعم صونها وغض البصر

الحلاوة موجودة على الحيطان

ده غض البصر دى حاجة عظيمة

وتودينا كلنا لاحلى مكان

عرفته ولا لسه معرفتوش

ايوا صح هى الجنة

هتقولى مانا لسه شباب

وفاضى ومش عارف اتجوز وفمحنة

هقولك صون بصرك ده اول حل

ومن يستعفف يعفى الله عنه

نظرتك دى بقت سهم مسموم

بيرمهالك شيطانك ابليس الملعون

بتكرهه وبتطيعه ازاى دى تكون؟؟؟

يوم القيامة هتبقى انت الملوم

اوعى تفتكر انها هتاخد ذنوب لوحدها

مانت كمان بصيت عليها

ربنا اداك نعمة وصنهالك وانت بالرخيص فرط فيها

لسه عندك افلام بورنو وبتقف فى الشوارع والنواصى

تعاكس اللى رايحة وتكلم اللى جية لامتى بقى هتفضل عاصى

فكر دلوقتى بجد فكر ولو لمرة وخليك راسى

لو كانت الدنيا هتدوملك كان سيدنا محمد اولى الناس بيها

انما مش هيبقى غير اعمالك عايز الجنة ولا هتفرط دى كمان فيها

التوبة سهلة والاسهل مغفرة ربك انما الثبات هو الصعب

والثبات بقى ده من ربنا يبقى امشى انت بس على الدرب

وسيبها على الله ومادمت بدات يبقى ربنا هيثبتك وتوصل

ماهو هيعمل ايه بعذابك لو انت جاهدت وبجد بتعمل

كل اللى بيرضى ربنا وطالب بس كل رضا وغفران

نرجع بقى لموضوع الموزز والبورنو والصياعة اللى فكل مكان

ها بقى لسه مقررتش تعف نظرك وتبقى اخيرا مش مهان

افرض فيوم من الايام اتعميت ايه هتتمنى انه ممكن يكون

غير انك تفتح تانى وتبطل بجد وتنسى فعلك المجنون

وتثبت لربنا انك بجد مسلم وان قلبك وعينك واسلامك هتصون

يلا بلاش النظرة ديا وهتلاقيها عند الله من الثواب مليون

او اكتر وربنا هو اللى بيزيد وهو الغفور الكريم الحنون

ماهى ياجنة يا نار احنا هندخلها وباعمالنا مكانا هو اللى هيكون

لو عشنا صح هنموت عالصح فى الفردوس نتلاقى وتفرح العيون

هتعيشها غلط يبقى يا ويلنا من البعث يابني والله الدنيا خئون

لا تستاهل عشانها تغضب ربنا ولا تستاهل عشانها تبقى بيها مفتون

ارجع لله بقى من النهاردة عيشها صح وخليها مسالة اكون او لا اكون

هتكون مطيع ربنا هيثبتك ماهو هيعمل ايه
بعذابك

بس انت اصدق النية المرَّادى وخلى الجنة هى مرادك

انا خلص كلامى وخلصت حديث مش هقولك غير غض البصر

هتصون نفسك وهتعفها وهتعصم روحك من اى ضرر

جرب مرة وامشى فطريق بص فى الارض لو لقيت بنوتة

مرة فمرة هتسهل الحكاية وترجع لله وهتخلص الحدوتة

(فوقوا يا شباب)

موضوع: رد: غض بصرك !! الخميس أبريل 22, 2010 4:03 pm

ربنا يرحمنا كلنا

جزاك الله خيرا

☆☆ 150 188 34 برنس البرنسسة

جزاك الله خيرا

موضوع: رد: غض بصرك !! الخميس أبريل 22, 2010 9:50 pm

تسلم ايدك والله علي الردود ديه نيس مرور

☆☆ 356 376

جزاك الله خيرا

موضوع: رد: غض بصرك !! الجمعة أبريل 23, 2010 8:08 pm

موضوع: رد: غض بصرك !! الإثنين أبريل 26, 2010 3:20 pm

تسلمي ميرا انتي وهنري علي الرد العطر دة

موضوع: رد: غض بصرك !! الأحد يوليو 31, 2011 6:52 am

تسلم وجزاك الله كل خير