قال انا قاعده ياختى فوق السطوح لا بيه ولا عليه والقيلك حاجه اسود فى اسود جيه عليا من بعيييييييييييييييييييييييد وكل ما ابصلها تبصلى اقرب منها تقرب عليا
<دا طبعا كلام ام سيد مش انا >
وفجأه
بسم الله الرحمن الرحيم**)**)
ياسنه سوخة ده شكله عفريت
العفريت : نياهاهاهااااااا شوبيكى لوبيكى خدامك بين ايديكى
ام سيد: بسم الله الرحمن الرحيم لا حول ولا قوه الا بالله ...
صلى ع النبى كدا يا خويا حد قالك عاوزه انا خدامين...
بعدين متنفش ريشك قوى كدا لتفرقع يا خويا ولا يطقلك عرق....دا العمر مش بعزقه...
العفريت: ييييييييه كل مره اقولهم بلاش ستات الكلمه يترد قصادها ميه وا غبيه يا معين يا رب
...اتطلبى وانا انفذ يا ستى ...وانجزى بقى خلصينى
ام سيد: ياحلاوه يا ولاد دا عامل زى عفروتو بتاع المرسحيه قصير واقرع ....
ام سيد:هع هع هععع هى النسخة القديمه الجته دى اتلغت ولا ايه ؟؟؟
اذا كنت انت نموك وقف على الحجم دا دا انت ولا خاتم سليمان يحوق معاك....
بقولك ايه اما انت تعرف تنفذ طلباتى طيب ما تطول نفسك شويه ولا تطلعلك شعر
العفريت:يا ستى انا عاجبنى منظر اهلى كدا اطلبى السبع طلبات بتوعك وانجزى دا هى مجيه سوده
ام سيد:الله مالك كدا ياخويا من ساعه ما جيت وانت نازل تنأويز ...على ايه يا حسره ....امال لو طويل حبتين...
وعمال خدامك ومش خدامك
العفريت :ماشى يا ستى انا اسف ...مش حتكلم حسيبك لضميرك الاسود
ابوس رجليكى اطلبى انا ورايا ابنى لازم اعدى اجيبه من تدريب الزحلقه ع السحاب
ام سيد:اهى ى ى لا هو انتوا عندكم ولاد
العفريت :امال يعنى بننقرض
ام سيد:وانت من اى قبيله اتيت....بس عرفتك تكونش بتاع كارتون السنافر....
شاطره يا ام سيد والنبى طول عمرك نبيهه يا بت وسابقه سنك
العفريت: دى حتغلط بقى انا من الجن الابيض يا ستى خلصى مبقاش الا واحده اسمها ام سيد كمان اللى تترئ علينا تعالى خدينى ياماااااااااااااااااااااا
ام سيد:ه العفريت رطن بالبلدى
العفريت:طيب تحبى تسافرى وتلفى العالم
ام سيد:يا نصيبتى اخرج من بيتى فى غير علم سى زفت بطيخه دا كان يقتلنى...
ثم انا ميهونش عليا زعله....
ثم يا خويا الف العالم فيه ايه زياده عن اللى فى بيتى سى بطيخه ابوسيد مكفينى وجايبلى كلشن كان.
اه امال ايه.؟؟؟
العفريت:طيب تحبى اخلصك من سى بطيخ نفسه
ام سيد:يا خويا بعد الشر تف من بقك
ان شاء الله انت وميه زيك ....
هو صحيح عينه زايغه....ولسانه طويل وايده باطشه....وجزمه ديما طايره ....
بس الست مننا ايه منغير بطيخها ....والعيال مين حيشيلهم مين يشيل مشاكلهم....
العفريت :انا زهقت منك... مش ممكن واحده معندهاش ولا طلب....
طيب اسمعى اجيبلك ذهب ياقوت مرجان..الماظ....
ام سيد:ه شوف العبيط ابو سيد جايبلى شبكه جوا دبله ومحبس وحتتين غوايش وسلسله ما شاء الله...
عبيط يقولى مرجان ....لا وعايز يضحك عليا بحته ازازه
ويقولى عليها ماس و مرجان طيب دى راحت ولا جات ازازه....بس متلمعه ..اما عفريت خرع بصحيح..
طيب انا حريحك ...لو حزفت اجابتين انا ممكن اقولك الاجابه الصح عدل
العفريت:هو انا جورج قرداحى ...تحزفى اجابتين جديده دى ايه الوقع المتينه دى بس ياربى
ام سيد:خلاص انا عرفت سياتك تبقى مين
العفريت:الحمد لله وحتطلبى بقى خلاص مش كدا
ام سيد:اه يا خويا...زيع زيع انا معنديش ايتوها مانع مش انتوا بتوع الكاميره الخفيه
العفريت:يا خوااااااااااااااااااتى انا حعتزل المهنه
انا شوفت كتير وقليل لكن مفتريه وبارده ومبتفهمش ثلاثه فى واحد انتى حطمتى القواعد
ام سيد:طبعا يا خويا نحن نختلف عن الاخرين ونزيد
موضوع: عفريت ام سيد 
السبت أبريل 24, 2010 12:10 am
