يوميات شاب صعيدى وبنت ستايل احمد ونوووور

تذكير بمساهمة فاتح الموضوع :

السلام عليكم

ازيكم احلى شباب احلى اعضاء احلى زوار احلى مشرفين ف اجمل منتدى اصحاب للأبد

يوميات شاب صعيدى وبنت استايل ... احمد ونووووور

وهجيب لكم كل يوم حلقة بس ياريت الردود لو لقيت ردين ف نفس اليوم هجيب حلقتين وكل ما تزيد الردود هخلى عدد الحلقات اكتر

وارجو التثبيت

ونبدأ

الحلقة الاولى

اول اليوم بقا والكلام الجامد بتاع المحاضرات والكلام دا ..ياله بقا نشوف اخينا احمد عمل ايه
احمد: لو سمحتي حضرتك...ممكن براية
نور: ههههههههههههههههههههههههههه
احمد :حضرتك بتضحكي على ايه ممكن اعرف يعني لو سمحتي
نور : مش عيب شاب في سنك يطلب براية ..ده احنا في جامعة
احمد : طيب معاكي شفرة...عشان المحاضرة هتبدأ خلاص
نور : ايييييه..ايه شفرة دي..ممكن تسكت لو سمحت
احمد : حد معاااااااه براااااااااية....او قلم زيااااااادة..ردوا
نور: انت اكيد مجنون وطي صوتك الطلبة كلها بتضحك عليك
احمد :ويضحكوا ليه ولاد الدزمة دووووووووول
نور: خلاص خلاص انا هنقل المحاضرة وبعدين اديلك تصورها
احمد :شكرا بس انقلي كويس ..وياريت تنظمي الكراسة
(اثناء ما المحاضرة شغالة ونور شغالة كتابة واحمد هيموت عشان مش معاه قلم)
احمد: يا انسة خطك زفت زفت..انتي مش مسطرة الصفحة ليه ...وفين التاريخ الهجري .يادي النيلة عليا وعلى الجامعة
نور : انت مالك ومال خطي مش كفاية هديلك تنقل مني وهتعطل انا
احمد : ليه وانتي عربية اصلك علشان تتعلطي..هما البنات متعطلين خلجة
نور : انت انسان قليل الادب...بجد مش بتعرف تكلم البنات ازاي
احمد : لأ يا شيخة والنبي المرة الجاية تبقي تجيبيلي الكتالوج بتاعك
(نور عشان رقيقة سكتت ومش عرفت ترد على بجاحة احمد وانتهت المحاضرة )
اثناء خروج الطلبة من المدرج...احمد حب يستظرف بس بطريقة غبية شوية
احمد وسط حشد من الطلبة بنات وولاد
وكأنهم قطيع من المواشي
هررررررررررررررررررر...وضحكته سمعت كل اللي ماشي
(نور بتحكي مع زميلتها من كلية تانية على احمد )
نور : بصي يا هالة الولد ده....فضيحة فضيحة يعني...وحكتلها على اللي حصل
هالة : تلاقيه شاب تحفة...مش باين عليه استايل خالص..ده لابس بدلة وكرافت
نور : بس تعرفي شكله وسيم اووووي...حاسة انه طيب وعلى سجيته
هالة :اوووو...ده وسيم؟...ده مش حاطط نقطة جيل على شعره حتى..شعره منعكش جدا
نور:يا ستي سيبك
هالة: على رأيك
خلص اول يوم في الجامعة وقبل النهاية بدقايق
احمد: يا استاذة يا انسة فين المحاضرة عايز انقلها هاتيها يلا يلا بسرعة
نور : تنقل ايه يابني دي عشر ورقات غير في رسومات وجداول
احمد :ومالهم يعني عشر ورجات انتي هتخلفي وعدك ولا ايه
نور : انا مقلتش كده بس في حاجة اسمها تصوير..اسرع يعني
احمد: هههههههههههههههههه اصور ايه بخطك الزفت ده..شوفي ...زفت
نور: حقيقي انا غلطانة وكلام هالة باين عليه صح...بعد اذنك..اوف
سابته ومشيت .....وقال
احمد: عليكي يا شيخة وعلى هالة وعلى الجامعة كلتها....وبرضه خطك زي الزفت
عاوزين تعرفوا اليوم اللي بعده حصل في ايه
تابعوا معايا بقى قصة حب احمد الصعيدي ونور البنت الاستايل

واشوفكم ف الحلقة التانية قريبا واتمنى انى اشوف ردودكمـ

مسيو عمرو

☜☺☞ 595

اسيرة الحزن كتب:: قصة حلوة كثيييير يا ريت تجيب باقي القصة

انتى احلى ثانكس على المرور

☜☺☞ 595

الحلقه التااااااااااااااسعه

الولية: ها يا حبايبى عملتوا ايه مع الكلب ده

نور: كلب ... انتى قصدك على مين يا هانم

الولية: قصدى على السافل قليل الادب اللى واقف جنبك ده

أحمد: لالالا انتى كده عديتى حدودك يا جمورة وانا مش هجدر امسك نفسى بعد كده

تامروادهم: انت بتكلم مين كده ياااااااااه

أحمد: بكلم صاحبتى يا عم الحد انت وهو

تامروادهم:ااااااه افتكرنا حاجه تانيه

أحمد جه جنب تامروادهم بصوت واطى والنبى يا كابتن انت وهو متخلوش شكلى وحش جدام الموزة بتاعتى

تامروادهم: هههههههههههههه وانت عندك موزة يا بأف

أحمد: لالالا انتوا زودتوها على الاخر انت واخوك يا عم الجمور

تامروادهم: نعم يا كوتوموتو

أحمد: بص برده تانى بتربط الهزار بالجد ياددع انا بمزح معاااااك

تامروادهم: ما علينا انجز وودع الموزة بتاعتك علشان انت هتموت دلوقتى

أحمد: لأ والنبى يا كابتن بلااااااش وانا لابس الترننجاللى ابويا الحد جايبهولى من السعودية

تامروادهم: ااااااانجز ..... طب لما انت مش اد المعاكسه والكلام ده بتعاكس ليييييييه

نور: أحمد انا مش فاهمه حاجه

أحمد : استنى يا نور ... معندناش حريم تفتح خشنها والرداله بيتكلموا

نور: يا أحمد دول بيقولوا هيضربوك وكلام غريب كده

أحمد : يا سيتى دول بيهزرووووا معايا

تامروادهم: لأ مبنهزرش .....

الوليه: علشان لازم قلالات الادب اللى زيك يتربوا كويس ويعرفوا شغلهم

أحمد بيقرب من أم تامروادهم وبيقولها

أحمد : معلش يا هانم ..متزعليش يا جمر انتى وبعدين انتى احلويتى عن جول مرة شوفتك فيها كده ليه

الوليه: خلاص يا ولاد سماح المرة دى طلع مؤدب

وبتروح مقربه من احمد وموشوشاه فى ودنه

الوليه: هستناك بكره على البيتش الساعة 10 الصبح اوعا متجيش

احمد: قشطه يا موزة من 8 الصبح هكون متلجح على البيشت

الوليه: يلا يا اولاااااااد

أحمد : سلام يا رداله بس اوعوا تنسوا

نور : احمد انا مش فاهمه حاجه خالص وبعدين تعالا هنا كانت بتقولك ايه الست دى

أحمد: لالالا يا نور مفيش حاده

نور: خلاص اوك يا احمد براحتك .... شكرآ

أحمد : وه وه وه ... الجمر بتاعى انا يزعلى منى ازااااى بس

نور : ابعد بقى بعيد عنى انا زعلانه منك

أحمد : طب والله ارمى نفسى فى البحر واغرق نفسى كمان علشان ترتاحى

نور : لأ لأ يا احمد اوعا تعمل كده

أحمد : كنت عارف يا جمر انك هتجولى كده وهتخافى عليا كماااان

نور: أنااااااا ؟

أحمد : لأ الولييييه ههههههههههههههه

نور: ماشى ماشى براحتك

انا جعااااااان جوى جوى

وهما رايحين البوفيه اللى على البلاج احمد قابل واحد صاحبه من الرحله معاهم

وكان متابع الحوار من الاول بتاع الوليه ام كلسون لحد الاخر

صاحبه : ايه يا رمبببو عملت ايه مع الكباتن اللى كانوا عاملين زى البلدوزر اللى كانوا عايزين يفرمووك ههههههههههه

أحمد :ازيك ياض عامل ايه وفينك كده

صاحبه : انت اطرش ولا ايه يا عم بقولك عملت ايه مع الاشباح اللى كانت عايزة تاكلك دى

أحمد: لالالا ياعم انا بطلت افلام رعب من زماااااااان ياعم الحد

صاحبه: ااااااه هى نور متعرفش اللى انت عملته واللى كان هيحصلك ولا ايه

نور بتبص لأحمد بصه استغراب

أحمد: طب تعالى يا نور نجيب حاده ونيجى على طوووول

نور: احمد لو سمحت فهمنى ايه اللى حصل انت مبتخبيش عليا حاجه

احمد فى سره

الله يخرب بيتك دا انا مصدقت انها نسيت الموضوع

أحمد: يا سيتى كل اللى حصل ان انا بعد لما عاكست الوليه راحت مناديالى ولادها الاتنين اللى عاملين زى

الباب اللى كانوا واقفين دول

نور: وبعدين....

أحمد: بس يا سيتى كانوا عايزين يعرفوا انا عملت كده ليه زى ما انتى شوفتى كده

بس انا جولتلهم اللى هيجرب منى عليا الطلاج لأتصل بابويا الحد هريدى فى البلد واخليه

يجى يجتلكم

نور: يا احمد دا انت عقباال ما ابوك الحج يكون زصل عندنا هنا هيكونوا عملوك زى الكوتش

أحمد : (( كوتش )) ... يا ست نور انا غلطان انى حكيتلك

نور: يا أحمد يا أحمد تعالا بس اقولك انا كنت بهزر معاك والله ... انت قماص اوووى

أحمد : لا انا جعان هروح اكل وانام علشان ورايا بكره راوندفو

تانى يوم والساعه بقت 7 الصبح

أحمد: وه وه وه ... يابوووووى الوليه كده هتروح ومش هتلاجينى على البيشت

أحمد كان على البيتش الساعه 8 بالظبط زى ماقالها

وفجأة تيجى الساعه 9,30 واحمد يلاقى مين اللى جاااااايله

على البحر وهو قاااااعد ................

.

.

.

((( توقعوا انتوا )))

☜☺☞ 595

أحمد وهو قاعد على البلاج مستنى ام ادهم وتامر

ميييييييين اللى طب عليييييييه ..........

الوليه: ايه يا ميدو إتأخرت عليك

أحمد : لالا خالص وحتى لو إتجخرت يا جمر

الوليه : لا دا أنت شكلك شقى خالص

أحمد: لا دانا اعجبك جوى جوى

الوليه: طيب هنشوف كل حاجه

وهما قاعدين ميين اللى طب عليهم .............

الجميله نور

ايه انتوا افتكرتوا مين مش كفايه كان هيتاكل علقه امبارح

من غير نفس بقى ونور بتتكلم

نور: ازيك يا احمد انت هنا من بدرى ولا ايه ؟

أحمد : اه قولت اشم هوا ناضيف على الصبح كده

نور: طب تعالا معايا يا احمد لو سمحت انا عايزاك

أحمد : حاضر يا نور 5 دجايج وهكون عندك بس اسبجينى انتى

نور : لأ يا احمد لو سمحت انا عايزاك دلوقتى ممكن

أحمد علشان خاطر ميزعلش نور وعلشان هو ميقدرش على زعلها

راح قايم وراحلها على طول

نور: ايه يا احمد اللى بينك وبين الست دى ممكن اعرف ؟

أحمد : مفيش حاجه يا نور صدجينى

نور : انت يا احمد متعودش تكدب عليا كده

أحمد : وانا والله يا نور معرفش الوليه ام كلسون دى عايزة منى ايه

نور بصراحه انا فى حاجه عايز اجولهالك من زمان وكاتمها فى جلبى

من زمان جوى جوى انا يا نور .............

الوليه: ايه واقفين بتقولوا ايه يا أمامييييييير .. تعالا يا ميدو انا عاوزاك فى حاجه

وراحه شدااااااه من ايده

نور : ميدو !!!!!!!!!!!

نور : يا احمد تعالا انا عاوزاك

واحمد واقف مش عارف يعمل ايه وراحه شداااه تانى وخادتو ومشيواااااا بعيد عن نور وهو مش عارف يعمل ايه...

المهم نور كانت هتتجن ومش عارفه تعمل ايه

وبعد ما رجع احمد

احمد : يا ساتر يا رب على الوليه دى اعوذ بالله

نور : ايه يا احمد كنت فين انا كنت قلقانه عليك قوى وزعلت منك اوى برده علشان مشيت وسبتنى مع الست دى

أحمد : دى وليه مجنونه

نور: ليه كانت عاوزة ايه

احمد: كانت بتطلب حاجات غريبه كده وكل شويه تجولى انت صعيدى اى كلام ولا صعيدى جامد .. والحمد لله ان ربنا نجانى منها

نور: لا والنبى وبعدين ؟؟؟؟!!!!!!!

أحمد : مكونتش اعرف انها كده انا كنت فاكرها عايزة خدمه منى اجدمهلها ولا حاجه طلعت غير كده خالص

نور: طب على العموم يا احمد انا مش عايزاك تقف معاها تانى ولا تروح معاها تانى

أحمد: طلباتك جوامر يا جمر انت والنبى انت جمر واللى يجول غير كده يبجا دموسة وابن دموسه

نور: ههههههههههههههههه

نور: ياااه يا احمد خلاص فاضل 3 ايام والرحله تخلص ونرجع للترم التانى

أحمد : بس انا عايز اجضى ال3 جيام دول وانا معاك يا جمر وعايز اعوضك عن كل اللى فااااااات

نور: بمناسبه ايه يا احمد بتقول الكلام ده وبعدين انت مين سمحلك تقولى كده وبناء على ايه بتقوله اساسا

أحمد وشه اتقلب وجاااااب 100 لون وقبل ما يرد عليها.......

نور : هههههههههههههههههههه

نور ايه مالك انت عملت كده ليه وانا كنت بهزر معاك على فكرة

ههههههههههه

أحمد : اووووووف وه يابووووووى خضتينى يا شيخه انا قولت ايه اللى حصل .انا عمرى ما حد حرجنى كده خالص

نور: لالا متخافش كنت بهزر هههههههههه

أحمد : يااااااااه على هزارك اللى عامل زى هزار الراجل بتاع جلد الخرفان اللى بيعدى علينا كل عيد فى البلد

نور: جلد الخرفااااان

ههههههههههههههه

أحمد : يا بت بهزر معاكى دا انتى دمك زى السكر

أحمد
: المهم بس دلوجتى انا لازم اتصل بأبويا الحج فى البلد واطنمه عليا يا نور
احسن يكوووون جلجان عليا ولا حاجه وبعدين هو جالى قبل ما تنزل الترعه ((
البسين )) اللى انت رايحها ابقا كلمنى وانا نسيت خالص

نور : ترعه هههههه المهم يا احمد

خد موبيلى وكلمه

أحمد : لا يا نور اصل المكالمه ممكن تكون غاليه شويه

نور: يا احمد ولا يهمك الرصيد كله تحت امرك

أحمد : لا يا نور دا كتير والله ربنا يخليكى ليا يارب بس معلش ولو فيها رخامه انتى معاكى اد ايه رصيد ؟ ههههههههههه

بهزر معاكى طبعا

نور: خد بقى وبطل رخامه وكلم الحج هريدى وسلملى عيه جوى جوى جوى ههههههههه

احمد : ههههههه ماشى يا سيتى بس بشرط هبقا اديكى دقيقه تتكلمى من عندى لما اجيب موبيل

نور: ااااه صح يا احمد انت لازم تجيب موبيل علشان ابقا اتصل بيك عليه بدل ما جارتك الجميله اللى بترد عليا كل مرة دى

احمد : ههههههههه لالا ما انا جولت لابويا الحج هريدى وقريب هيبعتلى الموبيل اللى بيجولوا عليه ده الموتوريله سن الفيل

نور: ههههههههههههههه

أحمد : ايه مش عاجبك ولا ايه يا بت انتى

نور : لالالا تمام

أحمد : طب هاتى الموبيل ولا انتى بتهربى من الجيجه ولا ايه

نور: ههههه ايه اللى انت بتقوله ده امسك وسلملى عليه اوى يا احمد

. 544

ناااااايس عمرو عايزنك تكمل بقى يا عمور بالفعل قصة شيقة

☜☺☞ 595

مكالمه احمد وابوه الحج هريدى

أحمد : ازيك يابا وازى امى واخواتى والبلد كلتها

وبعدين بينه وبين نفسه (( اللهى تولعوا كلوكوا ))

الحدهريدى: ازيك يا ولدى عامل ايه وايه اخبارك مش ناوى ترجع ولا ايه يا ولدى دى البلد كلتها مستنظراااااك

أحمد: اه طبعا يابا ناوى دى البلد وحشانى جوى جوى جوى

وبعدين بينه وبين نفسه (( اللهى ارجع الاجيها مولعه باللى فيها ))

الحدهريدى
: والعمده يااحمد بيسلم عليك وعايز يكلمك علشان عايز ينزل مصر وعايز يشوفك
علشان تروحوا مع بعض تزورو الأوليه وبالمرة يشتريلوا بهيمتين بدل اللى
ماتوا

أحمد : ماتوا من ايه يابا هو انت لسه شغال فى الزريبه عنده ولا ايه يابا

الحدهريدى: ومالها يا ولدى شغلانه الزريبه دا انا دلوجتى اترجيت وبجيت مشرف على البهايم كلتها

أحمد : طب الحمد لله يابا

الحدهريدى: طب خد يا ولدى امك عايزة تكلمك

أحمد : يابا والنبى بسرعه علشان انا بتكلم من المحمول ومش بتاعى يابااااا

وبعدين بينه وبين نفسه (( يالهوووى يابا عليك وعلى سنينك السوده ))

أم أحمد : ازيك يا ولدى عامل ايه

أحمد : ازيك يامااااا عامله ايه

أم أحمد : ليك عندى يا ولدى خبر حلو جوى جوى هيعجبك

أحمد : جولى ياما جولى ما ما انا عارف اخبارك

وبعدين بينه وبين نفسه (( اخبارك السوده دى))

أم أحمد : جايبالك عروسه انما ايه زى الجمر يا ولدى

أحمد : عروسه !!!! مين دى ياما ؟؟؟

أمه : نفيسه بنت عمك ابو همام

أحمد : نفيسه !!!!! اللى كانت بتجرى ورا عربيه الرش بتاعه النموس واللى كانت بتزل الترعه

ياما دى كانت ........ ياما دى جربانه ياما

أمه : دى دلوجتى بجت عروسه وإحلوت يا ولدى

أحمد : ربنا يسهل يامااا .. بس انا دلوجتى مبفكرش غير فى دراستى

أحمد : خلاص خلاص ياما سلام دلوجتى علشان الرصيد اللى فى المحمول ميخلصش

أمه : ايه ده يا ولدى انت جيبت محلول

أحمد : وبعدين بينه وبين نفسه (( سلام بجا ياما دا انتى رغايه جوى وراح قافل فى وشها ))

نور: ايه يا احمد سلمتلى على الحج هريدى

أحمد : اه طبعا طبعا يا نور

أحمد: ياااااه يا نور لو شفتى بلدنااااااا حته من شرم كده

نور : نفسى اروح معاك يا احمد مرة واشوفها واشوف الحج هريدى ومامتك وكل اخواتك

أحمد : بينه وبين نفسه ((متشوفيش وحش))

أحمد : اااه يا نور نفسى تشوفى ابويا العمده وهو قاعد فى الزريبه أخ قصدى وهو بيبص على الناس اللى شغاله فى الزريبه

أحمد : وأد ايه يا نور ابويا مهتم بنظافه الزريبه أخ قصدى البلد كلتها

نور: هو بباك عمده طب احكيلى عن اخواتك يا احمد

أحمد : عندى يا ستى أخين وأخت

نور: واسمهم ايه يا احمد

أحمد : عواد وعبعال والبنت اسمها صابحه

نور: وسنهم اد ايه؟؟

أحمد : عواد ده حرامى أد الدنيا

نور: حرااااامى !!!!!!!!!!

أحمد : لأ يا شيخه بهزر معاكى

دا عواد عنده خمستااااشر سنه ولسه فى ابتدائى اصل بيحب الدراسه جوى تصورى !!!

نور : وعبعال ؟؟؟؟

أحمد : عبعااااااال يا عينى على عبعال ... عبعال ده تديله من فوق اكل يديكى من تحت حاجات تانيه

نور: هههههههههههههههههههههههههه

أحمد
: لا دا عبعال فظيع تصورى عبعال فى مرة كنا بنتعشا فا أمى كانت عاملالنا
بيض ومش وكان فى المش دود وكان عبعال بجاله يومين مكالش لحمه راح واكل
الدود وساااب المش !!

نور: يوميين مكاالش لحمه !!!! ههههههههههههههههه

أحمد : لأ وايه وبعد ما أكل الدود والبيض دخل الحمام

فضلت يا نور البلد كلتها 7 أيام تعانى من سد فظييييع فى المجارى

نور: هههههههههههههههههههههههه يع يعm216:

أحمد : مقولكيش بجا على صابحه

نور: لألأ كفااااااايه لحد كده

أحمد : لا كله إلا صابحه .. صابحه وهى صابحه.....

وفجأة واحمد بيتكلم مع نور راح طابب عليه واحد بلدياته من البلد واحمد بقى مرعوب ليشوفوا ويجى يسلم عليه ويفضحه قدام نور

وفعلا ده اللى حصل وبلدياته شافه وراح رايحله علطوووووووووووول

أحمد وشه جااااااب 100 لووووون وخااااااف ليتفضح قدام نور وتعرف ان ابوه ولا عمده ولا حاجه

ورااااااااح دااااخل بلديتناااااا على احمد

انت عارف لو ماكملتش يا ماو اتت حر بقي
بس قصه حلوة كتير يالا بقي علشان انا مش بحب استنا يا ربس

نورت ياماااااااااااااو

وعشان خاطر اول كومنت ل سيزار نكمل

الحلقة الثانية عشر

( احمد ساب نور واقفه في الريسبشن وطلع يحط الشنط ووهو بيغير الباب خبط )

احمد : مين اللي بيخبط
الطارق : انا
احمد : ايوه مين يا عني انت مش بشر كائن يعني ليك اسم
الطارق : ايه الظرف دا ايوه يا عم انا كائن يعيش ويتعايش وليا اسم انا محمود

محمود دا صاحب احمد شافه في المطعم وطلع وراه الاوضه عشان يسلم عليه
احمد فتح الباب لاقا محمود صحبه خاده بالحضن وسلامات وبوس

محمود : ازيك يا ابو احميد يخربيت عقلك انت ايه يا واد اللي جابك هنا وجاي مع مين
احمد : اهه تغير شويه بدل ما نروح البلد جيت هنا مع اصحابي
محمود : طيب ياباشا اسيبك انا برحتك عشان تشوف اصحابك والبنت اللي مستناياك تحت
احمد : ماشي يا مان انت شوفتني معاها
محمود : اه يا معلم شوفتك في المطعم تحت بس تعرف زوقك حلو يا مان عرفت تنقي يا معلم
احمد : انقي ايه يا معلم دي صاحبتي اصلي معرفش حد في الرحله غيرها
محمود : طيب يا مان اسيبك بقي ولو عوزت اي حاجه انا في الخدمه
احمد : ماشي يا مان والف شكر

احمد ساب محمود ونزل يفطر بقي اخيرا هيفطر مع نور

احمد : اخيرا يا نور هنفطر
نور : اخيرا انا ميته من الجوع
احمد : لو سمحت الفطار بتاعنا
الجرسون : حاضر يا فندم
احمد : بس بسرعه والنبي عشان ميتين من الجوع
نور : اه بسرعه خالص عشان ممكن ناكل في بعض دلوقتي
احمد : بسرعه يا عم احسن تيجي تاكل فيا
جرسون : حاضر يا فندم

الجرسون جاب الاكل وكله الحمد لله ونور خدت احمد وتمشوا علي البحر

نور : انت هتعمل النهارده ايه يا احمد
احمد : مش عارف والله يا نور انا عندي فكره احنا نتمشي شويه بعدين انا هطلع انام عشان تعبان من السفر
نور : عندك حق والله اوك وبليل ننزل نخرج ونشوف البلد
احمد : اوك يا نور
نور : البحر هنا حلو اوي بكره اكيد ننزله سوا
احمد : باذن الله
نور : يلا نرجع بقي
احمد : يلا

تابعونا احمد ونور طلعوا اوضهم وهنعرف عملوا ايه باليل باليل النهارده

وكمان حلقه عشان خاطركوووووو

الحلقه الثالثه عشر

احمد ونور طلعوا يستريحوا وهيخرجوا مع بعض بليل
....................... بعد وقت طويل احمد ونور قابلوا بعض بليل كده بعد
المغرب وخرجوا مع بعض

احمد : تصدجي يا نور شوفي احنا بقلنا قد ايه مع بعض وانا مش عارف عنك اي حاجه
نور : وانا بردك تصور بص يا سيدي اتكلم انا ولا تتكلم انتا
احمد : لا اتكلمي انتي وانا بعدين اتكلمي ليدز فرست
نور : بص يا سيدي انا اسمي نور عبدالله والدي شغال مدير بنك اوك
والدتي اسمها مش مهم وشغاله في الجامعه
احمد : تصدقي اسم مامتك جامد مش مهم مين الذيذ الي سماها الاسم ده
نور : هههههههه يخربيت عقلك يا احمد اسمع بقه
احمد : اتفضلي خلاص
نور : وانا عندي اخت واحده اكبر مني ومسافره مع جوزها واعده في البيت لوحدي مع ماما
وبابا وليا اخ صغير كده بس ايه عسل
احمد : ربنا يخلوهملك
نور : انا حكيت اهه اتكلم انت شويه
احمد : بصي يا سيتي انا اسمي احمد عمر والدي عمده القريه الي عايشين فيها
والدتي ست بيت طيبه اوي
نور : ربنا يخلهالك
احمد : ربنا يخليكي وانا عندي اخت صغيره كده بس ايه عفريته موووووووووت
نور : ربنا يخلهالك
احمد : بس قوليلي انتي دخلتي الكليه دي كان نفسك فيها ولا عشان مجموعك
نور : لا انا كان نفسي ادخلها عشان والدي يعني كده
احمد : طويب
نور : وانت دخلتها ليه تلاقيك عشان المجموع
احمد : لا والله انا دخلتها عشان كان نفسي اخشها يعني شغلها كتير وفي جميع المجالات
نور : قولي صحيح يا احمد لما تيجي تتجوز ايه مواصفات البنت اللي انت نفسك تتجوزها
احمد : ايه السؤال المحرج ده بس ( بصي يا سيتي )
اولا لازم تكون مؤدبه جدا وجميله وتكون دمها خيف زيك كده

نور وشها احمر واخضر وبتكلم نفسها دا كل المواصفات دي فيا وسرحت في كلام احمد

احمد : وانتي يا نور بتحلمي جوزك يكون ازاي نور نووووووووووووووووووووووووووووووووووووور انتي رحتي فين
نور : هه معاك ايوه كنت بتقول ايه
احمد : لا انتي كنتي فين يا بنتي بقولك بتحلمي جوزك يكون ازاي
نور : بص لازم يكون بيحبني مووووووت ويكون طيب وجميل ودمه خفيف
احمد : ( احمد بيضحك مع نور ) تصددقي المواصفات دي فيا يعني انفع ابقي جوزك
نور : ههههههههههههههههههههههههههه يا بنن الايه انا نفسي في ايس كريم دا يا احمد
احمد : من عنيا يا نور

نور واحمد اتمشو كتير اوي واتكلموا اكتر وراحوا المطم بتاع الفندق اتعشوا وطلعوا ناموا
تاني يوم الصبح احمد ونور فطروا سوا وراحوا البحر

احمد : ايه يا نور انتي هتنزلي البحر
نور : طبعا يا ابني هو انا جايه هنا عشان اتفرج عليه
احمد : طويب خالي بالك من نفسك
نور : طيب انا بعرف اعوم خالي بالك انتا من نفسك ( احمد علي فكره بيعوم علي ادو )
احمد : الحقوني الحقوني الحقوني يا نووووووووووووووووووور بغرق
نور : ااااااااااااااااااااااااااااحمد

(تابعونا كفايه كدا عليكوا وهنعرف حصل ايه المره الجايه )

نيس يا عمرو وهتلقيني هنا علطول ان شاء الله مش تقلق معاك يا ريس وانا كمان بحضار لي قصح كدة هبقي اجبها كمان معاك يالا ان شالله ما عن حد حواش
هههههههههههههههههههههههههههههه
تسلم يا باشا ومنتظر بقيه القصه يا ريس

ههههههههههههههه
اوعى يكون غرق بقى ولا اجى انقذو انا ثااااااااااانكس مااااااااااااااان كمل بقى بسرعه

Cisaaar كتب:: نيس يا عمرو وهتلقيني هنا علطول ان شاء الله مش تقلق معاك يا ريس وانا كمان بحضار لي قصح كدة هبقي اجبها كمان معاك يالا ان شالله ما عن حد حواش
هههههههههههههههههههههههههههههه
تسلم يا باشا ومنتظر بقيه القصه يا ريس

اشطه ياماااو

اوعى تكون حلقات عمر وياسمين

bebo_alex كتب:: ههههههههههههههه
اوعى يكون غرق بقى ولا اجى انقذو انا ثااااااااااانكس مااااااااااااااان كمل بقى بسرعه

هههههههه ياعم المنقذ

لسه هنشوووووووووف اهو

الحلقه دي جااامدهـ و رومانسيه اوي اوي

*****************************************

احمد : يا نوووووووووووووووووور الحقيني الحقيني ( واحمد قاعد ينزل

ويطلع في الميه يا عيني يا احمد )

نور : احمد انا جايه اهو امسك نفسك شويه

( و نور كانت لسه بتغير هدومها وملحقتش تنط في الميه قامت نازله بهدومها وجت عند احمد

لسه بتمسكه...

فأحمد قعد يضحك ويعوم(أتاريه بيضحك عليها وهواساسا بيعرف يعوم)

ونور هتعمله ايه ؟ زعلت منه ومشيت

فأحمد جرى وراها علشان يصالحها

احمد : خدي يا نور استني انا كنت بهزر معاكي والله

(نور بصتله كده وهي زعلانه ولفت وشها ومشيت)

أحمد : يانور خدي يانوور عشان خاطري متزعليش مني

نور : دي حركه تعملها فيا بردو ياأحمد؟ انا قلبي وقع في رجلي اخص عليك يا احمد

احمد : خلاص بقى يا نور المسامح كريم وانتي مش بتزعلي مني صح؟

نور : خلاص يا احمد محصلش حاجه بس مش تعملها تاني

احمد : اوعدك اني مش هعملها تاني..روحي بقى غيري هدومك عشان مش تخدي برد

والبسي كده اللي علي الحبل وتعاليلي عشان هعزمك علي غدوه جامده مووووووووت

( نور راحت غيرت هدومها واحمد راح لبس هو كمان)

وبعد شويه.........

احمد ونور نزلو وقابلو بعض في الريسبشن

نور : ايه بقي يا احمد الغدوه الجامده دي؟

احمد : لا دي مفاجأه هتعرفيها دلوقتي

نور : طيب يلا بسرعه عشان انا هموت من الجوع

احمد : اوك ناخد تاكسي يلا

تاكسي ..تاكسي

التاكسي : where are you go?

احمد : see food ( دا اكبر مطعم سمك في شرم )

وراحوا المطعم.........

نور : وااااااااااااااو ايه الريستورانت التحفه ده يا احمد؟

احمد : دي حاجه بسيطه كده عشان اعتزرلك علي الموقف اللي حصل الصبح

نور : موقف ايه يا احمد؟ مفيش حاجه حصلت دا يدوب كان قلبي هيقف

احمد : بعد الشر عليكي عشان الخضه دي قولت اغديكي اكله جامده موووووووت

الجرسون : اوامرك يا فندم تطلب ايه؟

احمد : بص يا سيدي عايزين أولاً جميع انواع السلطات والمخللات

ثانيا بقى هات جميع انواع السمك اللي عندكوا...ظبطنا يعني

ومتنساش الجمبري

الجرسون : اي خدمه تانيه يا فندم ؟

احمد : شكرا متنساش اهم حاجه الميه بسرعه

نور : ايه الاكل دا كله يا احمد احنا هنقدر ناكل دا كله ؟

احمد : ان شاء الله هناكله انا بقالي يومين مش باكل إلا الأكل بتاع الفندق ده مش بيشبع خالص

قوليلي صحيح يا نور عقبال ما يعملوا الاكل انتي مش اتقدملك حد للجواز؟ خطوبه يعني

نور : بيتقدموا والله يا احمد بس انا لسه صغيره مش بفكر في الكلام ده دلوقتي وبعدين انا

لسه مش قابلت فارس احلامي يعني لسه شويه

احمد : عملتي خير والله جواز ايه دلوقتي انتي لسه صغيره

نور : وانت مش حاطط عينك على حد؟

احمد : حاطط عيني على الطفايه دي هههههههه

نور : هههههه يخربيت عقلك........لا بجد ياأحمد

احمد : لسه والله يا نور برضو مش قابلت الانسانه اللي بحلم بيها بس يعني في احتمال اني

لاقتها

نور( وشها احمر واخضر وضرب الوان) : طيب ما تقولي مين دي؟

احمد : لا لسه شويه في الوقت المناسب هقولك

(وبصلها من تحت لتحت وضحك)

ونور بقى مكسوفه ووشها احمر

الجرسون : الاكل يا فندم

( احمد ونور اكلوا بالهنا والشفا وبعدين راحو يتمشوا لغاية باليل ولفوا المنطقه كلها

وقعدوا يتكلموا كتير اوي مش عارف بيتكلموا ف ايه....المهم الاتنين روحوا وناموا

تاني يوم بقه صحيوا ونزلوا فطروا وراحوا البحر )

--------------------------------------------

احمد : صباح الخير يا نور

نور : صباح الخير يا احمد عامل ايه؟

احمد : المشي بتاع امبارح ده بوظلي رجلي المهم انتي هتنزلي البحر؟

نور : اه بس اوعى تعمل حركه امبارح

احمد : هههههههه لا خلاص عيب معدتش هعملها

( احمد ونور نزلوا البحر وبيعوموا فاحمد وقف شويه ونور دخلت جوه من كتر الارهاق جالها

شد عضل فكانت هتغرق قعدت تنده على احمد واحمد منفضلها (فاكرها بتضحك عليه)

وكانت هتغرق خلاص...........

نور: اااااااااااااااااااااااحمد الحقني يا احمد الحقني بغرق

(و احمد فاكر نور بتردله المقلب اللي عمله فيها امبارح وفضل منفضلها شويه كده)

احمد : بطلي شغل عيال يا نور انا فاهم الحركات دي وقعد يضحك

( بارد اوي احمد ده...هو مش بارد هو عامل نفسه ناصح )

نور : الحقوني الحقوني بغرق

( نور بتغرق بجد وعماله يا عيني تطلع وتنزل وتشرب في ميه واتخنقت )

وبعدين احمد اتخض وقال : دي الحكايه طلعت بجد يالهويييييي

احمد : نوووووووووووور انا جايلك يانوور
استحملي شويه

نور : ااااااحمد مش قادرهـ يا احمـ............ ( ونزلت تحت)

واحمد فضل يعوم ووصلها ومسكها وقعد ينده عليها وهي اغمى عليها خلااص

وبعدين طلعوا ع الشط..........

احمد (كان بيحاول يفوقها بس مفيش فايده) : نور نور اوعي تسبيني يانور

انا بحبك اوي يانوور مليش غيرك والله

عشان خاطري فوقي بقى...

(احمد اتخض اوي ولقاها مش راضيه تفوق وبيحسب جرالها حاجه)

وبعدين جاب الاسعاف وراحو بيها ع المستشفي

( الاسعاف جه خد نور ع المستشفي وهناك عملهوا اللازم طلعوا الميه ورجعولها التنفس

وبقت تمام بس لازم تفضل يومين كده علشان الميه دخلت الرئه وحصلت شوية مشاكل)

احمد قاعد برا في المستشفي بهدوم البحر ودموعه في عينه وبيدعي لنووووور

احمد : دكتور خير

دكتور : خير يا ابني اتطمن الحمد لله هي بخير انت مخضوض كده ليه؟ عادي محصلش حاجه ده مجرد اغماء بسيط

احمد : الف شكر يا دكتور الف شكر ممكن ادخولها؟

دكتور : اه عادى تقدر تدخولها ف اي وقت

-----------------------------------------------

احمد فتح الباب وعينه جت في عينها وحمد ربنا انها بخير..

نور : احمد

(راح جاري عليها وقعد قدامها)

كان نفسه ياخدها ف حضنه بجد بس خايف لتزعل..

احمد : حمدالله على السلامه يا نور ( وراح مديلها وردهـ )

نور : الله يسلمك يا احمد...ميرسي

احمد : بجد لو كان جرالك حاجه انا كنت هموت نفسي وراكي

نور : متقولش كده يا احمد انتا بردو اللي انقذت حياتي

احمد : انتي اللي ردتيلي حياتي والله يا نور بعد ما الدكتور طمني عليكي
بجد انا حمار كنت فاكرو مقلب منك وكنت هضيعك مني..

نور : خلاص يا احمد بقى انا كويسه اهو...ربنا يخليك ليا

احمد : شدي حيلك بقى كده وقوميلنا بالسلامه

نور : ان شاء الله...احمد روح انت استريح انت شكلك تعبان اوي

احمد : اسيبك وامشي ؟ لا طبعا مش هقدر وبعدين انا زي الفل اهو..

(وقعدوا يتكلمو شويه وبرضو مش عارف هما بيقولو ايييه)

-----------------------------------------------------------------

المهم،،،

( صحاب نور عرفوا اللي حصل و جم بسرعه يطمنوا عليها )

ريم (دخلت تجري على نور) : نور حبيبتي الف سلامه عليكي انا مصدقتش والله اول ما قالولي انتي كويسه ؟

نور : الله يسلمك ..انا الحمدلله كويسه

ريم : الحمد لله

ريم : انا متشكره جدا يا احمد عشان انقذت صاحبتي ربنا يخليك لينا

احمد : علي ايه يا ريم؟ ماهي صاحبتنا كلنا بردك

ريم : عندك حق يا احمد نور حبيـبتـنا كلنا ..

( نور بقى قعدت يومين في المستشفي وبعدين طلعت وكان فاضل يوم واحد بس ويرجعوا من الرحله)

ولما رجعوا نور نامت في اوضتها للصبح........

-----------------------------------------------------------

تاني يوم الصبحـ..............

احمد : حمدالله على السلامه يا نور

نور : الله يسلمك يا احمد والله انا مش عارفه ارد جميلك ده ازاي

احمد : جميل ايه بس هو في بينا جمايل ؟ بس علي فكره يا نور لو كان حصلك بعد الشر أي

حاجه انا مكنتش هسامح نفسي خالص

نور : متقولش كده يا احمد بقى.. (وابتسمتله ابتسامه بريئه)

( في منظر رومانسي تحت السماء صافيه والبحر الازرق والموسيقي في الفندق شغاله )

احمد : تعرفي يانور...انتي كنتي جميله اوي وانتي تعبانه

نور (وشها احمر ومش عارفه تقول ايه ) : ميرسي يا احمد انت الاجمل والله.

(احمد قرب من نور وبص في عنيها )

" احمد بيبص لنور في عنيها وقرب منها اوى "

" ايه ده؟؟ دا قرب يالهوي دا قرب خالص ياااااااااااااااااااااالهوي

احمد مسك ايد نور "

((يابختووووووووووووووووو ههههههههههههههه))

احمد : نوور...بجد انتي بقيتي كل حاجه ف حياتي ومن غيرك مكنتش عارف هعمل

ايه في حياتي دي....غيرتي كل حاجه فيا

نور ( بعدت عنه شويه ومش عارفه تقول ايه): عشان انت طيب والله بجد يا ميدو وبتحب بسرعه

احمد : ميدو؟؟تصدقي اول مره اسمع كلمة ميدو حلوه كده...

نور : خلاص يا سيدي ليك عليا مش هقولك غير يا ميدو.

احمد : ربنا يخليكي ياعسل...بس تصدجي يا نور بجد انا حلمت بيكي امبارح

نور : بجد يا احمد ؟ حلمت بإ ييه؟

احمد : خير اللهم اجعله خير اننا ركبين طياره ومسافرين بيها بس مش عارف مسافرين

فين .....المهم الطياره كانت بتقع

نور : يا لهوي هتموتني في الحلم يا احمد؟

احمد : ههههههههه بعد الشر عليكي ياقمر

احمد : المهم اتخضيت عليكي رحت واخدك مبين ايديا ورحت بيكي كبينة الطياره وانا اللي

سوقتها ووصلنا الحمدلله

نور : ههههههههه هو ده الحلم؟ طيب الحمدلله مش جرالنا حاجه

(احمد قرب منها تاني)

احمد : بس كنتي لابسه حتة فستان ابيض...جمييل بجد

" نور وشها نور من الفرحه و فرحت اوى اوى "

نور : بجد يا احمد ؟

احمد : ايوة والله بجد

(وفضلو يبصوا لبعض شويه)

وبعدين........

" احمد شاف ريم صاحبة نور جايه من بعيد...زعل اوي "

ريم : هااااي..ازيكوا يا حلوين ؟ عامله ايه يا نور دلوقتي؟

نور : الحمد لله كويسه خرجت انا وميدو نتمشى شويه

ريم : ميدو؟ مين ميدو ده؟

احمد : انا يا ريم ميدو... اصلي غيرت اسمي ههههههه

ريم : هههههههههه بجد الف مبروك عقبالي لما اغيره

احمد : ههههههههه تغيريه ؟هيبقى ايه؟ ميدو بردو؟

نور : ههههههه يخربيت عقلك يا ميدو عسل والله.....صحيح يا ريم هتغيريه ليه؟

احمد : دا حتى اسمك دا وحش جوى قصدى حلو جوى جوى هههههههه

ريم : انا اسمى وحش بردو يا احمد ؟ ماشي انا ماشيه وسيباكوا لوحديكو

نور : ياريم بنهزر معاكي والله....خلاص متزعليش بقى

احمد : بهزر والله يا ريم...طيب خلاص اطلبي اي طلب واحنا ننفذهولك عشان نصالحك بيه..

" ريم طلبت منهم طلب "

يا ترى ايه هوا الطلب دا :):)

﹌﹌﹌﹌﹌﹌﹌﹌﹌ 495 866 35

تسلم ايديك يا عمرو

» يوميات صعيدي بيحب بنت ستايل ( الحلقة السادسة)
» يوميات صعيدي بيحب بنت ستايل ( الحلقة الرابعة )
» شعر صعيدى
» صعيدى بيعاكس اجنبيه
» يوميات ماما سارة وبابا عمر