في داخلي قلب طفله

مدخل :
ألا ياطفل لاتكبر .. كذا أجمل .. كذا أطهر ..
كذا لادين يتراكم .. كذا لا ضغط .. ولاسكر ..
ترى أكبر كذبه عشناها .. يالله متى نكبر

تتذكر اول مره صرخت فيها؟

اول مره ضحكت فيها؟

اول مره لعبت؟

اول مره ركضت؟

اول مره بكيت وتباكيت؟

اول مره حاولت تكتشف؟

حاولت تجرب اشياء جديده؟

اول مره عشت طعم الرعب وطعم السعاده وطعم الامان؟

تتذكر اول مره حبيت؟

عشقت ولربما هويت؟

تتذكر وتتذكر وتتذكر

تتذكر باي مرحله كانت
اول تجارب لك بالحياه
اول احاسيس لك
اول محاولاتك

كل الاشياء هاذي الي تذكرتها عشتها بمرحله الطفوله
مرحله البراءه

مرحله الاكتشاف

مرحله البحث عن الذات

طفوله عشناها تتحلى باحلى صفات بالدنيا
طيبه
صدق
احساس
عطف
حب
رحمه
برائه
وضوح

جاء فبالي خاطره عن ايام الطفوله قلت بنزلها مع موضوعي:

ياليتني جسد انسان بروح طفله يملى حياة الروح براءه وحب ماله قياس
ياليتني طفل وكلن يداري مطالبي الممله واشوف كل الكون مبتسم لي وينتظرني بكل صدق احساس
ألا ياليت من خلقني تركني أعيش طفله
مدى عمري بطبع البراءه وبعيد عن الياس بطبع الطفوله كنا نعيش يومنا بلهفه
لهفه والد فيوم تخرج ولده رافع الراس
ما اذكر كان يكدر بالي إلا المدرسه وأيش يصير فيها من ربكه
وأكبر همومي وأنا طفله كيـــــــــــــــف أسلم على الناس
صدق من قال إن الطفل عايش بدنيا نقية صفاء بال وأمل ومايعرف مصطلع الباس

طلبت ربي يجعلني مرام بقلب طفله
لاكذب ولا حقد ولا كره

قالوا إن الطفل مايفهم وإنة للعالم اذيه
هذا طبع البشر أحسن صفاتهم
يرمونها للطفوله
ومهما كبرنا
وصرنا عقول للدنيا وعيه
نظل نفقد شعار البرائه الي كان لطفولتنا

بهاذيك المرحله ماكنا نخاف من الدنيا
كنا نستنى نكبر!!
نحس انه الدنيا حلوة!!
مافيها تعاسه ولا ضيقه ولا للانانيه مكانه!
نحسبها موطن ملائكي ينتظرنا!!
نطالع الدنيا بطفولتنا من منظار الامل!!
ننتظر بس متى نكبر!!
متى نكون حريم ورجال!!
متى نتزوج!

متى

ومتى

ومتى!!!!!

نحسب الدنيا سهله
نحسبها جزر كل كل جزيره فيها الامان اكثر
واحنا بقارب ونجدف من وحده لوحده
نحسب انه البشر مثل قلوبنا
وتفكيرهم مثل تفكيرنا

لكن

كبرنا فجاه وعرفنا وش معنى الحياه!!
وايش معنى الطفوله
كبرنا بس ماتحقق الي كان ببالنا
ولا صار مثل الي كنا نتخيله

احس للحين مازال قلبي متعلق بطفولتي
متعلق بذكرياتها ماتذكر فيه شي صار لي ماكان حلو
بالعكس
كل موقف احسن من الثاني
من جد احس للحين في داخلي قلب طفله مهما كبرت احسه فيني

وانا طفله كنت انام لمجرد انتهاء يوم حلو وانتظر يوم احلى منه
ماكنت اعرف شي اسمه كدر او ضيق

نروح عزى ونروح زواجات وافراح ونروح لناس مرضى وكله عندنا واحد
اهم شي نلعب ونضحك ونعيش يومنا

الي يطالعنا نضحك له
والي يهاشونا نتعبر في وجهه
الي يعطينا هديه نضمه وساعات نركض لامهاتنا فرحانين
ماكان فيه احد يخفي مشاعره
او يخبي عواطفه
كل شي كان واضح وصريح
مانكذب ولا نحاول نفكر بشي خطا
ماكنا نتعمق بالتفكير يمكن هالشي احسن

ياليتنا للحين بارواح اطفال
كان نزعل دقيقه ونرضى بسرعه
مابيننا حقد
ولا بغض
ولاكره
ولا ردى حال

لكن نقدر نحاول ونتحلى لو بشي قليل من صفاتها
نفهم الدنيا اخذ وعطاء
نحاول نكون طيبين قد مانقدر
ماهو عيب نقارن بين شخصياتنا وشخصيات الاطفال من حولنا
نشوف رده فعلنا ورده فعلهم
نحاول نرجع صفات غيرها الزمن
وجرفنا امواجه لشواطئ ماكنا نعرفها بيوم
ولا كنا نبغى نعرفها
نرجع شوي لبرائتنا
طفولتنا
قلوبنا البيضاء
افكارنا
اخلاقنا
كل شي كنا متربين عليه وغيره الزمن
نصير بنظره الطفل للحياه دايم متفاااائل ماعنده شي مستحيل

مدري ليه ساعات اتمنى ارجع طفله
اتمنى ارجع اركض
اطيح واقوم اضحك وارجع اركض
العب
اعيش يومي بكل دقيقه
مايشغلني تفكير ولا شي من هالحياه
ساعات يصير لي مواقف من ناس يجرحوني
يزعلوني
يضايقوني
اتمنى اكون طفله بهالموقف واطلب منهم حلاوه وارضى من قلبي
وينتهي الموضوع
اتمنى انه لو عبرت لاحد عن مشاعري اتجاهه مايكذبني فيها
يصدقها ويحاول يصدقها
صار الشك والكذب واللف والدوران عنوان علاقتنا
ياليتنا اطفال كان لو قلت احبك رد علي طفل بمثل عمري(وانا بعد) ومن قلب ماهي مجامله

واذا انا غلطت اعتذرت وبرائتي تكون الدليل القاطع لحسن نيتي

افكر كثير ليه تغيرنا؟
الدنيا غيرتنا او احنا تمردنا؟
لكن للاسف مافيه جواب لاسئلتي سوى
صدى صوتي وطقطقه اصابعي على كيبوردي

ياليت الزمن يرجع
صحيح ان الطفوله رااااااااااحت
لكن:
راحت كجسد لا كروح

مخرج:

ليتني طفل ماينجرح, مايفهم ومايعشق..
ليتني طفل يمسح دمعه باللعب ,
يمسح حزنه بالفرح,
ليتني طفل يلقى الحضن اللي يضمه من دون البدل

ايه الكلام الجامد ده تسلم يا نجم

انت اجمد تسلم ياريس

﹌﹌﹌﹌﹌﹌﹌﹌﹌ 495 866 35

ارتعشت الأنامل وتلعثم اللسان
لم يجد ما يكتبه لك يليق بحضورك
وجمال طرحك فعذرني على ضعف
بوحي أمام نجمك الساطع
لك مني أطيب المعاني وأزكى النسمات

نورتى رورو الموضوع كله

ميرسى موضوع جميل يا قمر تسلم اديك

انتى اجمل منار نورتى ياعسل

طلبت ربي يجعلني مرام
بقلب طفله
لاكذب ولا حقد ولا كره

بجد موضوع جميل جدا ومميز جدا جدا
تسلم ايدينك
فعلا جميل جداااااااااااااااااااااااا............ الخ

انتى اجمل يازوجتى من اى موضوع نورتى التوبيك كله

» طفله احبت